兄弟呀，我唔想你哋唔知，我哋祖宗從前都在雲下，都從海中經過，
而且皆在雲裏、海中受洗歸於摩西又同食；
一樣嘅靈食，
亦同飲一樣嘅靈水。所飲嘅，係出於跟隨佢哋嘅靈磐石；個磐石就係基督。
但其中多半係上帝唔歡喜嘅人，所以在曠野滅亡呀。
呢的事係我哋嘅鑑戒，令我哋唔好貪戀惡事好似，佢哋貪戀；
噉亦唔好拜偶像好似，佢哋有人拜嘅。照依聖經所寫：「百姓坐處飲食，又起身來玩耍。」
我哋亦唔好行淫好似，佢哋有人行淫，就一日滅亡二萬三千人；
亦唔好試探主好似：佢哋有人試探過，就被蛇所滅。
你哋亦唔好發怨言好似，佢哋發怨言，就被剿滅者所滅。
佢哋遇着呢的事可以做鑑戒，而且寫落聖經，來警戒我哋末世臨到嘅人。
所以，自己以爲金得穩嘅，須要謹慎，免致跌倒呀。
你哋所遇着呢試探，無非係人所能受嘅。上帝係信實嘅，必唔令你哋受試探過於所能受嘅；在受試探之時，必爲你哋開條出路，等你哋能忍受得住。
我所親愛嘅呀，你哋要避開拜偶像嘅事。
我對你哋聰明嘅人講，你哋要審察我嘅說話。
我哋所祝福嘅杯，豈唔係同領基督嘅血咩？我哋所擊嘅餅，豈唔係同領基督嘅身體咩？
我哋雖多，仍係一個餅，一個身體，因爲我哋都係分受一個餅。
你哋試睇吓依肉體爲以色列人嘅，個的食祭物嘅豈唔係在祭壇上有分咩？
噉就我點講呢豈？係話祭偶像之物算得乜嘢咩？或話偶像算得乜嘢咩？
乃係話，異邦人所獻嘅祭係祭鬼，唔係祭上帝。我唔想你哋共鬼相交。
你哋不能飲主嘅杯又飲鬼嘅杯，不能食主嘅筵席又食鬼嘅筵席。
我哋豈可激主嘅憤恨咩？我哋豈係強壯過佢咩？
凡事都可行，但唔係盡地有益。凡事都可行，但唔係盡能建立。
無論何人，唔好求自己嘅益，乃要求他人嘅益。
凡市上所賣嘅，你哋只管食，唔使因爲良心問過致食，
因爲地共其中所充滿嘅都屬於主。
若有個唔信主嘅人請你哋赴席，你哋若想去，凡擺在你哋面前嘅，都可以食，唔使爲良心問過致食。
若有人對你哋：「話呢的係獻過祭嘅物。」就要爲個個話你哋知嘅人，亦爲良心嘅緣故就唔好食。
我所謂良心唔係你嘅，乃係別人嘅。我嘅自由因何被別人嘅良心議論呢？
我若謝恩來食，爲也因我謝恩嘅物被人毀謗呢？
所以，你哋或飲或食，無論做乜嘢，都要爲榮耀上帝來做。
唔好令人跌倒或猶太人，或希臘人，或上帝嘅教會；
好似我凡事都令衆人歡喜，唔求自己嘅益，乃係求衆人嘅益，令佢哋得救。