使徒行傳 10 · 1872《使徒行傳》（粵語聯合譯本）

喺該撒利亞有個人、名叫哥尼流、佢係做以大利營嘅百把總。

佢為人虔誠、又畏上帝、共全家都係噉、好多施捨百姓、常時祈禱上帝。

日間約莫申時初、佢在異象中、明白睇見上帝嘅天使、入去佢處、對佢話。哥尼流呀。

哥尼流定眼睇住佢、就驚起嚟話、主、有乜事呢。答話、你嘅祈禱、共你嘅施捨、已經升上去、喺上帝面前做記號咯。

如今打發人去約帕、請個西門、名叫彼得嘅嚟、

佢寄居醃皮嘅西門處、個間屋喺海邊、佢必𢬿你所應做嘅話你知。

共哥尼流講個天使已經去、佢就叫兩個僕、共伺候嘅兵、有個敬虔嘅、

𢬿呢的事盡話佢知、打發佢去約帕。

第二日、佢地行路、將近到城個陣、約莫正午時、彼得上屋上祈禱。

好肚餓想食、人地整便個時、佢忽然魂不附身、

睇見天開、有一件器皿落嚟佢處、好似一幅大有、綁住四隻角、縋落地嚟。

其中有地上各樣四腳嘅畜牲野獸、昆虫、及空中飛鳥。

而且有聲對佢話、彼得起身、劏嚟食喇。

彼得答話、主、斷斷唔好、但凡俗物、共不潔嘅、我未曾食過。

個聲再第回對佢話、上帝所潔淨嘅、你咪當佢為俗。

三回都係噉樣、個件器皿、就收番上天咯。

彼得正在思疑所見嘅異象、有乜意思、個時哥尼流所打發嘅人、問到西門嘅屋、企倒門口處、

開聲問、西門名叫彼得嘅、喺呢處寄居唔係呢。

彼得重想緊異象個時、聖神對佢話有三個人搵你、

起身落去、同埋佢去、總咪思疑、因為我打發佢地嘅。

彼得就落去哥尼流所打發嘅人處、對佢話、我就係你所搵嘅咯、你嚟有乜事呢。

佢地話、個百把總哥尼流係公義、及敬畏上帝嘅人、通猶太人所稱讚嘅、聖天使吩咐佢、請你到佢屋企、嚟聽你說話。

彼得請佢入嚟歇宿、第日、彼得同佢地去、又有約帕幾個兄弟、一齊同去。

第二日、入該撒利亞、哥尼流已經叫齊親戚、共好朋友、等候佢地。

彼得入去之時、哥尼流就迎接佢、𡂈倒佢腳下嚟拜。

彼得扶起佢話、起身、我都係人呮。

彼得共佢講緊、行入去、見好多人聚集、

就對佢地話、你地知到猶太人、唔著共異族人交結、或親近哩、但上帝指示我、不論何人、唔好話佢係俗、或不潔嘅。

故此一請我就嚟、總唔推辭、試問你地請我嚟、有乜意思呢。

哥尼流就話、先四日我禁食到呢個時辰、當申初個時、就喺家裏祈禱、忽然間、有個人著潔白嘅衣裳、企在我面前話、

哥尼流呀、在上帝之前、聽聞你嘅祈禱、記念你嘅施濟咯。

如今你要打發人去約帕、請西門名叫彼得嘅嚟、係寄居海邊醃皮西門家中嘅、佢到就共你講。

故此我即時打發人請你、你嚟係好咯、如今我地大眾在上帝面前、嚟聽上帝所吩咐你嘅。

彼得開口講話、我知得真、上帝唔𢬿外貌嚟取人、

凡在各國、係敬畏上帝、能行公義嘅、都係佢所接納。

但上帝所傳過以色列人嘅道、即係由耶穌基督嚟傳嘅和平、呢個耶穌、係萬物嘅主呀。

呢的道、你知到約翰傳教施洗之後、從加利利起、傳勻猶太地方。

即係上帝𢬿聖神、𢬿才能、膏沐拿撒勒人耶穌、耶穌周圍去行善、醫好所有被魔鬼挾制嘅、因為上帝係同埋佢呀。

佢在猶太地方、共耶路撒冷所行嘅事、我地係佢嘅見證、人地反將佢掛在木上殺死、

第三日、上帝令佢翻生、而且顯出嚟過人見。

唔係顯過眾百姓、係顯過上帝所預先揀擇嚟見證嘅、即係佢翻生後、共佢同飲食嘅呀、

佢又吩咐我地、傳道過百姓聽、證明佢係上帝所定、嚟審判生人死人嘅。

眾先知都為佢做證、凡信佢嘅、可以由佢名得赦免。

彼得講緊呢的說話、聖神就降臨在個的聽道嘅人處。

個的受割禮嘅信徒、同彼得嚟嘅、見聖神施賜異邦人、就驚奇。

因為聽見佢講外國嘅土談、稱讚上帝係大呀。

彼得就話、呢的人已經受嘵聖神、好似我地噉樣咯、乜誰能禁止用水施洗佢呢。

噉就吩咐托主嘅名施洗佢地、眾人請彼得喺個處住幾日。