使徒行傳 24 · 1872《使徒行傳》（粵語聯合譯本，香港理工大學數據）

過五日後、大祭司長亞拿尼亞、共列位長老、與及一個辯士帖土羅落嚟、喺總督處告保羅。

既傳保羅嚟到、帖土羅告佢話、

腓力士大人呀、我地因你得太平、而且國中倚賴你嘅明見、唔論何時何地、都得平治、真係多謝之至。

但我唔敢久留你、求你寬恕聽我講少少說話。

因為我地見呢個人、好似瘟疫噉、擾亂天下所有嘅猶太人、係拿撒勒黨嘅頭目。

佢又想污浼個聖殿、我地捉住佢、要照我地嘅律法審佢。

獨係千總呂西亞到、十分強、在我地手中奪佢去。

又吩咐告佢嘅嚟你處、你審問佢地、就知到我地告佢嘅各樣情由咯。

猶太人都跟住話、呢的事情、直係噉呀。

總督{口揖}吓個頭、使保羅講、保羅就答話、我知到你喺呢國審事、有好多年、所以我越發歡喜訴明自己嘅事。

你可以知到我上耶路撒冷敬拜、不過十二日呮。

佢地未曾見我在殿共人辯論、又未見我或喺會堂、或喺城裏擾亂眾人。

佢地如今所告我嘅事、係冇憑據嘅。

但有呢件事我認、即係照佢所叫做異端嘅、我服事我祖宗嘅上帝、係信律法共先知所有寫落嘅、

而且倚賴上帝得望、將來必有死者翻生、唔論義人、或不義人呀、佢地亦係望噉樣。

我故此常時自己勉勵、對上帝或對人、都存無愧嘅良心。

已經過嘵好多年、我如今嚟到、𢬿施捨俾過我國嘅百姓、又獻祭物。

噉就有的自亞西亞嚟嘅猶太人、見我喺殿處、自己潔淨、唔係人多、亦唔係嘈吵。

佢地若係有可以告我嘅、應該如今嚟你面前告我。

抑或喺呢處個的人、當我企倒公會面前、若見我有不義嘅、亦可以講出嚟。

縱使話有、亦單係呢一句呮、即係我在眾人之中喓話、我今日被你地審問、係為死者翻生呀。

腓力士聞得噉樣、已經詳細知得呢的道、故此延遲佢話、千總呂西亞到、我必查明你嘅事。

噉就吩咐百把總看守保羅、要寬待佢、佢嘅朋友、或服事佢、或到佢處、都唔禁止。

過幾日之後、腓力士共埋個妻、係猶太女土西拉嚟到、傳保羅嚟、聽佢講論信基督之道。

保羅論公義、節制、共將來嘅審判、腓力士驚慌起嚟話、如今你只管退、我有得閒時候、再叫你。

腓力士都望保羅俾銀過佢、求佢釋放、故此屢次叫佢嚟同埋講呀。

過兩年、波求腓士都接腓力士嘅任、腓力士想得猶太人歡喜、故此留落保羅、仍然綁住。