使徒行傳 25 · 1872《使徒行傳》（粵語聯合譯本）

非士都上任、三日後、由該撒利亞上耶路撒冷、

大祭司長共猶太尊貴嘅人、禀明保羅嘅事情、而且勸佢。

求佢賜恩、帶保羅上耶路撒冷、想埋伏路上嚟殺佢。

非士都答話、保羅應當留落該撒利亞處、但佢自己不入番去。

又話、你地之中、有權能嘅、好同埋落去、個個人有乜唔合義處、就告佢。

非士都喺個處住嘵十幾日、落去該撒利亞、第二日坐堂、吩咐傳保羅嚟。

及至嚟個的到由耶路撒冷嚟嘅猶太人、圍住企處、𢬿好多樣重罪告保羅、但係冇憑據。

保羅訴話、猶太人嘅律法、與殿堂、共該撒、我總未曾犯到。

非士都想得猶太人歡喜、答保羅話、你肯上耶路撒冷、喺個處聽我審斷呢的事唔呢。

但保羅話、我企倒該撒嘅案前、應該就喺呢處受審咯、我總冇得罪過猶太人、你都知得的確嘅哩。

倘若我行不義、犯應死嘅事、就死都唔辭、若告我呢的事係虛嘅、就冇人可以𢬿我交過佢地、我上控該撒咯。

非士都共議會商量、就答話、你上控該撒、就去見該撒喇。

過幾日、亞基帕王共百尼基氏、到該撒利亞問非士都安。

住個處好多日、非士都𢬿保羅嘅事、講過王知、話、呢處有一個人、係腓力士留落嘅囚犯。

我鴞耶路撒冷眾祭司長、共猶太長老告佢、求定佢嘅罪。

我答佢地話、被告嘅人、未曾共原告嘅人對質、得機會訴明自己嘅事、就置之死地、唔合羅馬人嘅留律例。

故此猶太人嚟到呢處、我就唔延遲、第二日即坐堂、吩咐帶個個人嚟、

原告嘅企起、論及所告之事、係我估唔到嘅、

不過辯論佢地所敬鬼神嘅事、又論及一個死嘵嘅耶穌、保羅話實佢係生嘅。

呢的事情、我唔明白、我就問佢、你肯上耶路撒冷、為呢的事受審問唔呢。

但保羅既然上控、留落西巴士督審問、我就吩咐留佢、等解到該撒處。

亞基帕對非士都話、我自己都想聽呢個人講、非士都話、明日就可以聽佢咯。

第日、亞基帕共百尼基氏、擺大執事、入去個審堂、同埋的千總、共城中尊貴嘅人喺處、非士都就吩咐帶保羅嚟。

非士都就話、亞基帕王呀、與及我地在呢處嘅人呀、你地睇吓呢個人、就係猶太嘅大眾、或喺耶路撒冷、或喺呢處求我、喓話、斷斷唔好俾佢重生呀。

但我查察佢、知到佢未曾犯過應死嘅罪、而且佢自己既然上控西巴士督、故此立意解佢去。

論及呢個人、冇實情可告我主知、故此帶佢在眾人面前、不若在你亞基帕王面前、等審問後、可以有所寫落嘅。

因為我以為解送囚犯、唔寫明案情係唔合理呀。