使徒行傳 4 · 1872《使徒行傳》（粵語聯合譯本，香港理工大學數據）

使徒共百姓講緊個時、列位祭司共殿司、同埋撒吐該人、忽然嚟到。

好唔鐘意佢教百姓、及引耶穌嚟講由死嘅復生。

就落手捉倒佢地、困入監嚟、等待明日、因為時候已經夜咯。

但聽道嘅、好多信從佢、人數大約有五千。

第二日、官府、長老、讀書人、

共大祭司長亞那、同埋該亞法、約翰、亞力山大、及但凡祭司長嘅親屬、都聚集在耶路撒冷。

叫使徒企在公會面前、問話、你𢬿乜野嘅權、乜誰嘅名、做呢的事呢。

彼得大得聖神感動、就對佢地話、百姓嘅官府、共以色列嘅長老呀。

倘若我地今日為個病人做好事、就被審問點樣令佢得好番。

噉就你地大家、同埋以色列眾百姓、要知到呢個人、係倚賴拿撒勒耶穌基督嘅名得好番、企立在你面前、個個耶穌、係你地釘在十字架、上帝令佢翻生嘅。

呢個即係你地師傅所丟棄嘅可、已經做嘵屋角第一塊石咯。

除佢之外、別無拯救(拯救或作救主)、因為天下人間、冇賜別個名、令我地可以得救嘅。

眾人見彼得約翰有膽志、又知到佢係未讀書嘅庶民就見出奇、又認得佢也曾喺耶穌處嘅。

而且見個個好番嘅人、同佢地企處、噉就冇說話駁得。

但係叫佢出嘵去公會、後來大家議論話、

呢的人、點樣處置佢呢、因為佢也曾行大異蹟、凡住在耶路撒冷嘅、盡知到明白、我地不能話佢冇嘅。

但免至呢的事、喺百姓處、越發傳開、當恐嚇佢、待佢咪再用呢個名講過人聽。

就叫使徒嚟、禁戒佢地、斷唔好𢬿耶穌名嚟講嚟教。

彼得約翰答佢話、聽從你地、勝過聽從上帝、喺上帝面對、合義唔合、你自己審斷吓。

因我地所見所聞、不得不講呀。

個的官府既恐嚇佢地、就釋放嘵、唔搵得著點樣刑罰佢、係因百姓呀、因眾人為佢所做、歸榮上帝。

個個人被異蹟所醫好嘅、有四十幾歲咯。

使徒已經釋放、就去到佢會友處、𢬿祭司諸長、與及長老、所有共佢講嘅、話過佢地知。

佢地聽聞、就一心發聲對上帝話、主呀、你係上帝、造天地海、共其中萬物嘅。

也曾𢬿你臣子大闢嘅口話、為乜異邦嘈吵、百姓圖謀虛妄嘅事呢。

地上列至企起、官府聚集、攻擊上主共佢嘅基督。

因為希律共本丟彼拉多、異邦人、及以色列百姓、果然聚集、攻你所膏沐嘅聖潔臣子耶穌、

嚟成就你手你意旨所預定嘅事。

主呀、如今列位祭司恐嚇我地、求主鑒察佢、賜你嘅僕有膽志宣傳你道。4:30 伸你嘅手嚟施醫、及托你聖潔臣子耶穌嘅名、嚟行異蹟奇事。

祈禱之後、所聚集嘅地方、就震動起嚟、眾人受滿聖神、就有膽志講上帝嘅道。

大眾信道嘅人、同心合意、有無相通、冇一個話佢所有係自己嘅、

使徒用大能證明主耶穌翻生、眾人都得大恩典。

其中有窮困之人、因為凡有田有屋嘅、佢賣嘵、帶個的銀、擠倒使徒腳下。

依住各人所需用、嚟分過佢。

有個利未人、生在居比路、名叫約西、使徒改佢名為巴拿巴、繙譯即係勸慰子噉解。

佢有田賣嘵、帶個的銀、擠倒使徒腳下。