申命記 13 · 1888《復傳律例書》（《申命記》，香港理工大學）

你哋之中、若有先知、或發夢嘅出嚟、向你哋施行異跡奇事。

佢所對你哋講嘅異蹟奇事、若有應驗、佢就話我哋跟從你所未識嘅神嚟敬拜好呀。

你哋必唔好聽個先知、或個發夢者嘅說話、因為耶和華你嘅神、想試驗睇出你哋係盡心盡性愛耶和華你嘅神唔係。

你哋要順從耶和華你嘅神、敬畏佢、謹守佢嘅誡命、聽從佢嘅說話、又奉事佢、愛慕佢。

個個先知、或個個發夢嘅、必要𢬿嚟定佢死罪、因為佢將說話、誘惑你離開帶你出埃及贖你脫離奴僕嘅屋個位神耶和華、又令你離開耶和華你嘅神所吩咐你行嘅道、噉就除去你哋之中嘅惡咯。

若係你嘅同胞兄弟、或你嘅仔女、或你孔懷嘅妻、或你至親愛嘅朋友、間中誘惑你話、我哋不如去奉事別神、即係你及你列祖所未曾識嘅。

即係你四圍百姓所拜嘅神、或離你近、些離你遠、從呢邊地極、至到個邊地極嘅神。

你斷唔好依從佢、唔好聽從佢、唔好用眼顧惜佢、唔好憐憫佢、唔好包庇佢。

必要治死佢、你先落手、將佢治死、然後百姓亦落手。

要用石頭將佢矴死、因佢想引誘你離開耶和華你嘅神、即係救你出埃及脫離做奴僕之家個位神。

凡以色列人必聽聞懼怕、喺你哋之中唔再行噉嘅惡事。

你在耶和華你嘅神所賜過你住嘅城、若聽人講及。

一個城話有匪類嘅、從你哋處出嚟、誘惑本城嘅人話、我哋不如去奉事別神、即係你所未曾識嘅。

你就要落力查問、追究訪尋、若真實無疑、有噉嘅惡事、行在你哋之中。

就必要用刀殺嘥個城內嘅百姓、凡城內嘅物、共埋畜牲、都用刀滅嘥。

亦要將所搶奪城內嘅物、埋積在街上、𢬿城共城內嘅物、向耶和華你嘅神處、用水嚟燒嘥、使個城永遠變為土岡、不能再起番。

個的應燒嘅物、一的都唔好留在你手。

等你聽聞耶和華你神嘅聲、又遵守佢嘅誡命、即係我今日所吩咐你嘅、照耶和華你神以為係善嘅嚟行、耶和華必止息惱怒、就憐憫你、將慈悲嚟待你、又照佢向你列祖所發誓嘅、使你哋人數加多。