申命記 20 · 1888《復傳律例書》（《申命記》，香港理工大學）

你出去共仇敵打仗、若見馬及馬車、軍兵又多過你、唔使怕、因為帶你出埃及耶和華你嘅神、同埋你喺處。

你哋將近打仗個時、祭司要到百姓面前、對佢哋話。

以色列人聽喇、你哋今日近仇敵、想共佢打仗、唔好膽怯、懼怕、打震、又唔好因仇敵就驚慌。

因為耶和華你嘅神同埋你去、為你共仇敵打仗、就救護你。

官長亦要對百姓話、乜誰起緊新屋、尚未曾區別呢、佢可以番去屋𨀣、恐怕佢陣亡、被別人去區分呀。

乜誰種緊菩提園、尚未曾食個的果子呢、佢可以番去屋𨀣、恐怕佢陣亡、被別人去食呀。

乜誰聘定個妻、尚未曾娶呢、佢可以番去屋𨀣、恐怕佢陣亡、被別人去娶呀。

官長要再對百姓話、乜誰懼怕膽怯呢、佢可以番去屋𨀣、恐怕佢嘅兄弟膽怯、好似佢一樣。

官長吩咐百姓之後、就要設立兵頭嚟統帶百姓。

你到一個城、想攻打、先要講和平嘅說話。

若係將和平嘅說話應答你、為你開門、噉就城中所有嘅百姓、要納稅過你、又服事你。

若唔肯共你和好、想共你打仗、你就要圍困個城。

耶和華你嘅神、已經將個城交過你手、你要用刀殺嘥個的男丁。

其餘婦女、嫩仔、畜牲、及城中凡所有嘅、即係所搶奪嘅財物、可以歸你自己、你所搶奪仇敵嘅食物、係耶和華你嘅神所賜過你嘅、你可以食得。

離你好遠嘅城、唔屬呢的列國嘅、你要照噉樣嚟看待。

惟係呢的列國嘅城、即係耶和華你嘅神所賜過你做產業嘅、其中凡有生氣嘅人物、你不可留存。

要依耶和華你嘅神所吩咐你嘅、盡地滅嘥、即係赫人、亞摩哩人、迦南人、比哩洗人、希未人、耶布士人。

免致佢哋教你、學佢哋行可憎惡嘅事、好似自己向佢哋嘅神所行嘅、令你得罪耶和華你嘅神。

你圍困城、攻打好耐日子、想奪取城、就唔好用斧頭斬嘥個的樹木、因為的果子、你可以食得、而且田嘅果木、係養人嘅、所以唔好斬伐、𢬿嚟做圍困城嘅器具。

獨係你識佢係冇果子可食嘅樹、就要斬短、等可以撘營壘、攻打你對敵嘅城、至到佢哋歸服。