申命記 25 · 1888《復傳律例書》（《申命記》，香港理工大學數據）

人若有爭訟要嚟到審事官處求佢審判、審事官就要定義人為義、定罪人為惡。

惡人若當受打責、審事官要叫佢𡂈倒地處、在自己面前、依佢嘅罪、照數打責佢。

僅可以打責佢四十吓、不可多、恐怕打佢甚多、你就當你兄弟為好卑賤咯。

碾穀嘅牛、不可籠住佢嘅口。

兄弟同居、其中或有一個死嘵、冇仔留落、個死者嘅妻、就不可再嫁外人、佢丈夫嘅兄弟、要入佢處、娶佢為妻。

第一胎所生嘅仔、必要承繼個死者名下、免致佢嘅名在以色列人中滅絕。

個人若唔願娶兄弟嘅寡婦、寡婦就要去到城門、到長老處話、我亡夫嘅兄弟、唔願在以色列人中、為兄弟承繼個名。

本城嘅長老、就要叫個人嚟問佢、佢若執意話、我唔願意娶佢。

兄弟嘅寡婦、就要在長老面前向佢腳脫鞋、又將口水吐落佢面上話。凡唔願為兄長建立宗支嘅、要噉樣待佢。

在以色列人中、必稱佢為脫鞋嘅家。

兩人相打鬥個時、一人嘅妻行前嚟伸手揸住佢下體、想救丈夫脫離打佢嘅人之手。

你就要斬斷個婦人嘅手、你眼唔好憐憫佢。

在袋中唔好有一副大一副小嘅秤錘。

你家中唔好有一副大一副小嘅升斗。

要用較準公平嘅秤錘、亦要用較準公平嘅升斗、等你可以在耶和華你嘅神、所賜過你嘅地方永遠居住。

因為凡做呢的事、及行不義嘅、都係耶和華你嘅神所憎惡嘅呀。

你出埃及個時、在路上亞馬力人點樣待你、你要記念。

即係在路上遇著你哋、趁你疚癐個時、攻打你後隊嘅人、在尾後的老弱嘅、而且唔敬拜神。

故此耶和華你嘅神、既保佑你脫離四圍嘅仇敵、使你安居在耶和華你嘅神所賜過你做產業嘅地方、你就要將亞馬力人嘅名、從天下抺甪、唔好忘記咯。