申命記 29 · 1888《復傳律例書》（《申命記》，香港理工大學數據）

呢的係耶和華在摩押地、吩咐摩西共以色列人立約嘅說話、在耶和華共眾人在何烈山所立嘅約之外。

摩西叫以色列眾人嚟、對佢哋話、耶和華在你眼前、在埃及地、向法老、共佢嘅臣僕、及佢全地所行嘅事、你已經睇見。

即係你眼所見嘅人大試煉、大異能、大奇事呀。

惟係到今日、耶和華仍然冇令你哋心能明白、眼能睇見、耳能聽聞。

我喺曠野帶你行四十年、你身嘅衣、未曾穿爛、你腳上嘅鞋、未曾破壞。

你哋未曾食餅、未曾飲清酒、濃酒、等可知到我係你哋嘅神耶和華。

你哋嚟到呢處、希實本王西宏王噩、都出嚟共我哋接仗、我哋打敗佢哋。

又奪佢嘅地、俾過流便支派迦得支派及馬拿西半支派嘅人做產業。

所以你哋謹守呢的約嘅說話嚟行、等你凡所做嘅事、都可以得福。

如今你哋眾人、企在耶和華面前、即係你哋支派嘅牧長、共你哋嘅長老、你哋嘅官府、及以色列眾男人。

你哋嘅仔女、共妻、及營內嘅旅客、而且為你哋斬柴嘅人。

等你屬歸有份入耶和華你神嘅約、又守耶和華你嘅神今日共你哋所立嘅誓。

致今日可以立你做佢嘅百姓、佢做你哋嘅神、係照佢對你哋講、向你哋列祖亞伯拉罕、以撒、雅各發誓嘅。

我唔止共你哋立呢的約、呢的誓。

凡今日同埋我哋企在耶和華我嘅神面前、及今日唔在呢處嘅人、我都共佢立約、立誓。

我哋點樣住在埃及地、點樣通行、你哋所經過嘅各國、係你哋知到。

你哋亦睇見個處嘅可憎惡之物、及木石金銀嘅偶像。

恐怕你哋之中、或男或女、或宗族、或支派、如今心裏離開耶和華我哋嘅神、去服事呢的國嘅各神、又恐怕你哋之中、有根蔃噲生出毒草、及茵陳。

佢聽聞呢的咒詛嘅說話、心裏仍然安慰自己話、我雖然放縱個心剛硬頸、渴就加多飲、噉我必平安。

耶和華就必唔肯寬恕佢、必起妬忌嘅心、向佢大發惱怒、將呢書所寫落嘅咒詛、加在佢身上、又從天下除滅佢嘅名。

耶和華亦必將佢從以色列人之中、分別出嚟、照呢的律法書所寫落嘅約中嘅咒詛、使佢受禍。

你哋後世嘅子孫、及遠處嚟嘅旅客、睇見個處嘅灾禍、共耶和華所降落佢處嘅疾病。

睇見地上週圍有硫磺、有鹽、有硝、不能耕種、總冇出產、至到草都唔生、好似所多馬蛾摩拉押馬西編被毀壞、係耶和華大發惱怒、個時所毀壞嘅一樣。

你及萬國嘅人、都必問話、為乜耶和華噉樣待此地呢、咁大惱怒、係乜意思呢。

人必答話、因為呢的百姓、背逆佢列祖嘅神、即係帶佢哋出埃及、又共佢哋立約個位嘅。

去服事崇拜別神、即係佢哋所不認識嘅神、耶和華未曾賜過佢哋嘅。

所以佢向此地發怒、將呢的書所寫落嘅咒詛、降臨佢 哋處。

耶和華大發惱怒、痛恨、從個處將佢哋拔除、丟棄在異邦、好似今日噉。

因為凡隱藏嘅事、係屬耶和華我嘅神、凡顯明嘅事、永遠屬我哋及我哋嘅子孫、使我哋遵行呢的律法嘅說話。