耶和華你哋嘅神、帶你哋入去你所承受嘅地之時、又在你面前、趕逐列國、即係赫人、伋隑矢人、亞摩哩人、迦南人、比哩洗人、希米人、耶布士人、共七國、都係強大過你哋嘅。
耶和華你嘅神在你哋面前、打敗佢哋、你哋就要盡哋滅絕佢、唔好共佢立約、唔好憐憫佢。
又唔好共佢結婚、唔好將你哋嘅女、嫁佢哋嘅仔、亦唔好為你仔娶佢哋嘅女。
因佢必噲使你嘅仔反覆、唔順從我、服事別神、就耶和華噲惱怒嚟攻擊你、忽然間滅絕你哋。
你哋要噉樣待佢哋、要毀爛佢嘅祭壇、斬壞佢嘅偶像、打折佢嘅柱、用木焚燒佢所雕刻嘅像。
因為你哋係耶和華你嘅神所分別做聖民嘅、耶和華你嘅神在萬民中、揀選你哋、做自己嘅子民。
耶和華愛你、而且揀選你、唔係因你哋人數多過各國嘅、你哋人數、在萬民中、係至少嘅。
係因耶和華愛你哋、又想成就佢向你列祖所發誓嘅、故此用大能嘅手、攜帶你哋、又從埃及王法老手中、贖你哋出嘵做奴僕嘅屋。
你哋當知耶和華係神、係誠實嘅神、若有愛佢及守佢誡命嘅、佢必守約施恩典、至到千代。
凡怨恨神嘅、耶和華必當面報應佢哋、將佢滅絕、唔係遲慢報應、是必當面報應。
故此你哋當遵守我今日所吩咐你行嘅誡命規條法度。
此後你哋若係聽從呢的法度謹守遵行、耶和華你嘅神必照依對你列祖所發誓嘅、向你守約施恩典。
佢必愛你、祝福你、使你人數加多、又在佢所發誓應承賜過你列祖嘅地方、祝福你生產嘅仔女、共田土所生嘅及五穀、酒、油、牛群羊群所生嘅。
你必得福、勝過萬民、在你哋之中、冇一人不能生育、在畜牲之中、冇一類不能生育。
耶和華必使各樣病遠離你、凡埃及人嘅惡疾、係你所知到嘅、就唔降在你身上、但降在凡怨恨你嘅身上。
耶和華你嘅神所交過你嘅百姓、你要將佢哋滅絕嘥、唔好憐憫佢哋、唔好服事佢哋嘅神、因佢哋噲誘惑你入羅網呀。
你心中若話個的國、都強大過我、我點能趕逐佢哋呢。
你唔好懼怕、應當記念耶和華你嘅神向法老共埃及人所行嘅事。
你親眼所見嘅大試煉、奇事、異蹟、大能、舉手、都係耶和華所用嚟帶你哋出埃及嘅、耶和華你嘅神、亦必噉樣待你所懼怕列國嘅民。
兼之耶和華你嘅神、必使大黃蜂入佢哋處、至留存𨉖埋在你面前嘅、都被滅嘥。
你唔好畏懼、因為耶和華大而且可畏嘅神、在你哋中間呀。
耶和華你嘅神、必漸漸將呢的國趕逐、離開你面前、你唔好急速剿滅佢哋、恐怕野獸加多嚟害你。
耶和華你嘅神必將佢哋交過你、使佢哋敗得好交關、至到佢哋滅亡。
又必將佢哋嘅列王交過你手、你要從天下除滅佢哋嘅名、必冇人能阻你、至到你剿滅佢哋。
佢哋所雕刻嘅偶像、你必用火焚燒、唔好貪偶像身上嘅金銀、唔好私吓擰埋、恐怕你陷入羅網、因為呢的係耶和華你嘅神所憎惡嘅。
凡可憎惡嘅物、你唔好帶入屋𨀣、恐怕自己做咒詛嘅物、你當盡心厭惡憎嫌、因個的係可咒詛嘅呀。