出埃及記 24 · 1888《出埃及記》（粵語聯合譯本，香港理工大學）

耶和華對摩西話、你共亞倫、拿答、亞庇戶、及以色列長老中之七十人、俱要上嚟耶和華處、遠遠跪拜。

獨係摩西可以近耶和華、其餘嘅人不得近、百姓亦唔好同摩西上嚟。

摩西落嚟、𢬿耶和華各樣說話律例對百姓講、百姓齊聲答話、耶和華凡所講嘅說話、我必依從嚟做。

摩西將耶和華所講寫在書中、好早起身、喺山下起壇、又立十二條石柱、照依以色列嘅十二支派。

打發以色列中嘅少年人、將燔祭嘅牛、獻過耶和華。

摩西擰血一半載落盤中、一半灑落壇上。

又擰約書讀過百姓聽、大眾話、耶和華凡所講嘅說話、我哋必聽從遵行。

摩西擰血灑落百姓身上、話、睇吓約嘅血、乃係耶和華𢬿呢的說話、共你哋所立嘅。

摩西、亞倫、拿答、亞庇戶、同以色列長老中之七十人都上山。

朝見以色列嘅神、佢腳下有好似琢成嘅藍玉石、又好似天色咁清。

但神唔用手按吓以色列嘅尊長、佢哋睇見神、又飲又食。

耶和華對摩西話、你上山到我處、住在山上、我要𢬿石碑及律法誡命賜過你、即係我所寫嘅、等你可以教訓佢哋。

摩西共佢大臣約書亞、同上神嘅山。

對長老話、你哋可以住在呢處、等待我哋番嚟、呢處有亞倫、戶耳、同埋你、凡有事情可以去佢處。

摩西就上山、山被雲遮住。

耶和華嘅榮耀止在西乃山、雲遮住六日、到第七日、耶和華喺雲中召摩西。

耶和華榮光嘅形狀、好似火燒山頂、在以色列人眼前。

摩西入雲上山、摩西住在山上四十日四十夜。