創世記 12 · 1873《創世記》（粵語聯合譯本，香港理工大學數據）

耶和華吩咐亞伯蘭話、你當出嘵本地、離開親戚、隔別父家、去到我將指示你嘅地方。

我必令你做大國、賜福過你、顯揚你嘅名聲、而且令你做福嘅基址。

祝福你嘅、我必祝福佢、咒詛你嘅、我必咒詛佢、天下萬民、必家由你得福。

亞伯蘭依耶和華吩咐就去、羅得亦同埋行、亞伯蘭出哈蘭個時、係七十五歲。

亞伯蘭帶住個妻撒勅、共姪羅得、及喺哈蘭所積埋嘅財物、所得嘅僕婢、都帶去迦南、噉就到嘵迦南地咯。

亞伯蘭經過個地、到敘劍嘅摩哩橡樹個處、此時迦南嘅人、住在個處地方。

耶和華顯現共亞伯蘭講、話、我必將呢的地賜過你子孫、亞伯蘭就喺個處、為顯現嘅耶和華起一座壇。

從個處又搬去伯特利嘅東山、搭起帳幕、西邊係伯特利、東邊係孩、又在個處、為耶和華起一座壇、嚟禱告耶和華嘅名。

後來又漸漸搬去南邊。

適值迦南飢荒、因飢荒得嚌、故此亞伯蘭去埃及寄居。

將近埃及、對個妻撒勅話、我知你係美貌嘅婦人、

埃及人見你、是必話呢個係亞伯蘭嘅妻、噉就必殺我、留番你咯。

你當稱為我嘅妹、等我因你得平安、因你得保存我命。

亞伯蘭到嘵埃及、埃及人睇見佢妻、果然十分美貌。

法老嘅大臣亦睇見、在法老之前、稱贊一番、噉佢就被法老召佢入宮。

因個婦人、法老就厚待亞伯蘭咯。亞伯蘭有牛羊駱駝、驢公驢母、與及僕婢。

耶和華因亞伯蘭妻撒勅嘅緣故、就降大災難過法老、共佢一家。

法老叫亞伯蘭嚟話、你為乜噉樣待我呢、佢係你嘅妻、做乜唔話我知呢、

因何稱得佢係你嘅妹、幾乎令我娶佢呢、如今你好帶你妻去咯。

法老就吩咐人、送亞伯蘭同埋佢妻、與及所有嘅野去。