創世記 16 · 1873《創世記》（粵語聯合譯本，香港理工大學數據）

亞伯蘭之妻撒勅、冇生養過、佢有一個婢、名叫夏甲、係埃及國嘅女。

撒勅對亞伯蘭話、耶和華唔賜我生養、請你共我婢住埋、或者我可以因佢得仔吖。亞伯蘭就聽從撒勅嘅說話。

個時、亞伯蘭住在迦南已經十年、佢嘅妻撒勅、將埃及嘅婢夏甲、俾過丈夫做妾侍。

亞伯蘭嘅共佢住埋、夏甲就懷孕、自己覺得有胎、就睇輕主母、

撒勅對亞伯蘭話、我因你受羞辱、我將我嘅婢、擠在你襟懷處、佢覺得有胎、就睇輕我、願耶和華在你我之間、判斷是非呀。

亞伯蘭對撒勅話、婢係你嘅手下、任從你點樣看待佢喇。撒勅於是困苦夏甲、夏甲就走去。

耶和華嘅使者、在野上有泉水嘅側邊遇著佢、呢個泉水、係在書耳嘅路邊。

天使話、撒勅嘅婢夏甲、你從邊處嚟、想去邊處呢。

天使話、你要番去主母處、受佢管束。

又話、我要加增你嘅後裔、至到數唔過咁多。

又話、你如今懷孕、必定生仔、因為耶和華聽聞你嘅辛苦、你當改佢名做以實馬利。

佢是必做野人、佢打眾人、眾人亦打佢、是必住在兄弟嘅東邊。

夏甲既得耶和華吩咐、就稱佢名話、你係監察我之上帝、因佢話、我豈唔係在呢處、見嘵監察我嘅咩。

所以叫個井做別拉海萊、即係在迦鐵庇列之中嘅。

後來夏甲生仔過亞伯蘭、亞伯蘭改個仔嘅名做以實馬利。

夏甲生以實馬利之時、亞伯蘭已經八十六歲咯。