創世記 19 · 1873《創世記》（粵語聯合譯本）

挨晚之時、個兩個天使到嘵所多馬、個時羅得坐倒城門口、一見就起身迎接、俯伏在地話、

我主、請入僕家洗腳、歇宿一晚、明朝致起行喇。佢地話、唔使、我地喺街上過夜罷咯。

羅得強留佢地、於是入佢嘅屋、羅得擺設筵席、整的無酵餅、佢地就食嘵。

重未瞓覺、所多馬四方嘅人、老老幼幼、都嚟圍住佢屋。

叫羅得嚟話、今晚到你處嘅人、喺邊處呢、你帶佢出嚟、等遂我地嘅心吖。

羅得出去眾人處、就閂埋度門。

話、請眾位兄弟唔好做咁惡嘅事。

我有兩個女、未曾嫁人、容我帶佢出嚟、任從你地點樣做、惟係咪攪擾呢兩個人、因佢已經入我屋咯。

眾人話、行開喇、又話、你嚟到呢處寄居、想做審事嘅官咩、如今我地要害你、比之害佢地更關係、噉就惟羅得埋去、要打爛個度門。

兩天使𢬿手拉羅得入屋、閂埋度門。

而且令門外嘅人、自老至幼、眼都昏花、搵來搵去都唔見門。

兩天使對羅得話、你重有乜野人呢、或仔或女、或女壻、與及城中所有嘅、都帶佢離開呢笪地方。

我地要滅呢笪地方、因為佢地在耶和華前行惡、已經聽聞咯、故此耶和華打發我地嚟剿滅佢。

羅得出去、對個的女壻話、你起身離開呢處地方喇、耶和華要剿滅呢個城呀、佢女壻以為講笑話呮。

到天光、天使催羅得話、起身、帶你嘅妻共喺呢處嘅兩個女出去喇、怕你共呢個城、一齊滅亡呀。

羅得遲遲疑疑、天使因耶和華憐憫佢、就拉住佢手、共佢嘅妻、及兩個女嘅手、帶嘥出嚟、安置在城外。

既帶佢地出去、就話、你要逃走嚟保生命、唔好回頭望、唔好歇在平原、要走入山、免致你地滅亡。

羅得對佢話、請我主唔好噉。

僕既蒙你嘅恩、賜我極大嘅仁慈、令我得生、我不能走得上山、恐怕遇著災難、亦係死亡、前面有個附近嘅城、容易走入去、係細城呮、

求你俾我入去、嚟保生命喇。

佢答話、呢件事、我都允准你、唔滅你所求嘅城。

你要快的走入個處、因為你未曾到、我不能做事嘅、所以改個城嘅名、叫做瑣耳。

羅得入瑣耳之時、剛剛係熱頭出。

耶和華從天上降硫磺共火落所多馬蛾摩拉處。

所有城郭平原百姓、及地上所生嘅物、都滅亡嘥。

羅得嘅妻、回頭嚟望、就變為一條鹽柱。

亞伯拉罕清早起身、去到前時見耶和華個處。

望所多馬蛾摩拉一帶平原、見個處嘅煙升上、好似洪爐嘅煙噉。

當上帝滅平原各城個時、上帝記念亞伯拉罕、所以滅羅得所住嘅城、先救羅得出去。

羅得唔敢喺瑣耳住、故此同埋兩個女離開瑣耳、去山居住、噉就共兩個女住倒山巌處。

大女對細女話、我父親已經老、而且天下冇人照常道嚟許配我咯。

不如將酒灌醉父親、共佢同房、就可以由父親嚟留存後裔。

個晚佢地擰酒過父親飲、大女共佢同房、一瞓一起、佢父親都唔覺。

第二日、大女對細女話、我昨晚共父親同房、今晚要重擰酒過佢飲、你入去共佢同房、就可以由父親嚟留存後裔哩。

個晚佢地又擰酒過父親飲、細女共佢同房、一瞓一起、佢父親亦唔覺。

於是羅得兩個女、由父親就懷嘵孕。

大女生仔、名叫摩押、即係今日摩押族嘅祖宗、細女亦生仔、名叫便亞米、即係今日亞捫族嘅祖宗。

細女亦生仔、名叫便亞米、即係今日亞捫族嘅祖宗。