創世記 26 · 1873《創世記》（粵語聯合譯本）

亞伯拉罕之時、個處地方飢荒、後來又再飢荒、故此以撒去其臘非利士王亞庇米力處。

耶和華現出嚟對以撒話、唔好落埃及、必要住在我所指示嘅地方、

寄居在呢笪地、我是必保佑你、祝福你、𢬿呢列邦賜過你、及你嘅後裔、昔日我對你父親亞伯拉罕所誓嘅願、我必依番個的說話。

我必加增你嘅後裔、好似天星咁多、將呢列國賜嘥過你後裔、而且天下萬國必賴你後裔得福。

因為亞伯拉罕聽我說話、遵依我吩咐禮儀誡命律法嘅緣故呀。

以撒住在其臘、

個處的人、問及佢嘅妻、佢就話、係我嘅妹、佢因利百加容貌生得好、怕個處的人、因利百加嘅緣故、嚟殺佢、所以唔敢話佢係妻。

喺個處住嘵好耐、非利士王亞庇米力、喺窗處望吓、望見以撒共妻利百加頑耍。

亞庇米力叫以撒嚟對佢話、佢實係你嘅妻、因何你話係妹呢。以撒話、我靜中想吓、怕因佢被人殺呀。

亞庇米力話、你因何噉樣待我地呢、倘若百姓之中、有一個錯共你妻同房、噉你係陷我地落罪咯。

亞庇米力就吩咐百姓話、但凡有犯呢個人、或佢妻嘅、必定要殺。

以撒喺個處耕種、是年百倍收成、係耶和華賜福過佢嘅。

佢興旺起嚟、日積月累、竟成為大財主。

牛羊成群、奴僕甚多、非利士人就妒忌佢。

佢父親亞伯拉罕在生之時、眾僕所開嘅井、非利士人已經將泥塞嘥。

亞庇米力以撒話、你重強大過我地、請你離開我去罷喇。

以撒就離開個處、在其臘山谷、搭起帳幕居住。

亞伯拉罕死後、非利士人將亞伯拉罕生時所掘嘅井塞嘥、以撒又堀番開佢、依番佢父親所稱嘅名、嚟叫呢的井。

以撒嘅僕、掘個山谷、得倒一個活水泉。

其臘嘅牧人、共以撒嘅牧人相爭、話、呢的水係我地嘅、以撒因為佢地共自己相爭、所以叫個井嘅名為埃色、

再掘第個井、亦係相爭、所以叫個井嘅名為息拿。

以撒離開個處、又掘一個井噉致冇相爭、就改個井嘅名為哩河伯、係話耶和華如今令我寬舒、我將喺呢處昌盛起嚟咯。

以撒從呢處去別是巴。

個晚耶和華顯現出嚟對佢話、我係你父親亞伯拉罕嘅上帝、唔使怕、因我嘅僕亞伯拉罕、我必保佑你、祝福你、令你嘅後裔加多。

以撒在個處築一座壇、禱告耶和華嘅名、佢僕又搭起帳幕、掘一個井。

亞庇米力同佢朋友亞戶撒、將軍非各、從其臘嚟見以撒。

以撒對佢話、你既憎惡我、叫我離開你去、如今因何嚟我處呢。

佢話、我地見耶和華真係保佑你、我想吓你我之間、應當發誓、彼此相立和約。

我地未曾損害過你、惟係好看待你、送你一路平安而去、如今你蒙耶和華祝福、願你咪損害我地。

以撒就擺設酒席、共佢飲食。

第朝起身、被此既發嘵誓、以撒送佢平安番去。

個日、以撒的僕、𢬿掘井嘅事嚟告過佢聽、話、我地已經得倒水咯。

就叫呢個井嘅名為是巴、故此個個城、至到今日、都叫做別是巴。

以掃四十歲、娶嘵赫人別哩嘅女猶滴、與及赫人以倫嘅女巴是抺做妻。

以撒共利百加、常時為呢兩個婦人、心中閉翳。