創世記 3 · 1873《創世記》（粵語聯合譯本，香港理工大學數據）

耶和華上帝所造各樣生物、至詭譎係蛇、蛇對女人話、上帝唔係吩咐你咪食勻園內各樹嘅果咪、

個女人答蛇話、園內各樣果、我地都食得、

惟係園之中間、有一棵樹嘅果、上帝話、唔好食、免致死亡。

蛇對女人話、你地未必死、

因上帝知到你地食之日、眼是必明、而且好似上帝能別善惡。

於是個女人睇吓個棵樹嘅果、好食好睇、又能加人聰明、噉就摘佢嚟食、又俾過丈夫、丈夫亦食嘵。

佢兩人嘅眼、即時就明、覺得自己係赤身、就𢬿蕉葉嚟做裙。

到挨晚、涼風吹嚟、耶和華喺園中行遊、亞當共個女人聽聞佢聲、就𨉖埋樹裏、想避耶和華上帝嘅面。

耶和華上帝叫亞當話、你喺邊處。

佢話、我在園中聽聞你嘅聲音、因為我赤身、故此懼怕𨉖埋。

上帝話、乜誰話你知係赤身呢、我禁止你唔好食嘅果、你食嘵唎咩。

亞當話、你所賜過我嘅女人、將個棵樹嘅果俾我、我致食嘅。

耶和華上帝對個女人話、你因何噉做呢。個女人話、係蛇引誘我、我致食嘅。

耶和華上帝對個條蛇話、你既做呢件事、你受咒詛、必關係六畜百獸、你個肚必貼地嚟行、一生食塵。

我又令你共女人做仇敵、你嘅後裔共女人嘅後裔、亦係做仇敵、佢嘅後裔、將傷你嘅頭、你將傷佢嘅腳。

又對個女人話、我必令你懷孕係辛苦、生產係艱難、你必向慕丈夫、丈夫必管理你。

又對亞當話、你既聽妻子嘅話、食嘵我所禁個棵樹嘅果、地要因你受咒詛、你必定一生辛苦、由佢得食。

地土必為你生出荊棘蒺藜、亦要食田上嘅蔬菜。

必定流汗滿面、致可以養口、直到歸土之日、因為你由泥塵出嚟、亦必歸番泥塵。

亞當改佢妻嘅名做夏娃、因為佢係群生嘅母親呀。

耶和華上帝為亞當及佢妻做的皮衣嚟著。

耶和華上帝話、能分別善惡好似我地之中一個、怕佢伸手、又摘生仲樹嚟食、就永遠生。

故此耶和華上帝、使佢離開埃田園、耕鋤番佢所自出嘅地土。

噉就趕佢出去、喺埃田園嘅東邊、安置基 路 (口水)、共自然轉動嘅火劍、把守住生命樹個條路。