創世記 30 · 1873《創世記》（粵語聯合譯本）

拉結見自己冇為雅各生子、就妒忌佢大姊、對雅各話、俾我生子喇、唔係我必死咯。

雅各就惱拉結話、令你冇生養嘅、係由上帝、豈係由我咩。

拉結話、我嘅婢辟拉、你可共佢同房、等佢生仔、抱在我懷中、噉就我因佢得仔哩。

拉結將個婢辟拉俾過丈夫做妾、雅各共佢同房。

辟拉就懷嘵孕、替雅各生子。

拉結話、上帝鑒觀我、聽我說話、𢬿子賜我、所以叫佢名為但。

拉結嘅婢辟拉又懷嘵孕、替雅各生個第二仔。

拉結話、我共大姊力爭、得勝嘵咯、所以叫佢名為納大利。

利亞見自己停住生產、就𢬿個婢悉帕俾過雅各做妾。

利亞嘅婢悉帕、替雅各生仔。

利亞話、萬幸咯、所以叫佢嘅名為迦得。

利亞嘅婢悉帕、又替雅各生第二個仔、

利亞話、我有福咯、眾女人都話我有福咯、所以叫佢嘅名為亞設。

適值割麥之時、流便去田間搵倒的風茄擰嚟俾過母親利亞。拉結對利亞話、請將你仔個的風茄俾我喇。

利亞答話、你奪嘵我丈夫、豈係細事、重想奪我仔嘅風茄咩。拉結話、你仔嘅風茄俾我、丈夫今晚可以共你同房咯。

到挨晚、雅各從田間番嚟、利亞出去迎接佢、話、我用我仔嘅風茄請你、你必要入我處、個一晚、雅各就共佢同房。

上帝俯聽利亞、令佢懷孕、替雅各生第五個仔。

利亞話、因我將個婢俾過丈夫、得蒙上帝嘅賞賜、所以叫佢名為以薩迦。

利亞又再懷孕、替雅各生第六個仔。

利亞話上帝將好嫁裝賜過我、因我生六個仔、丈夫必共我共住、所以叫佢名為西布倫。

後來、又生一個女、名叫底拿。

上帝憐念拉結、聽佢嘅禱告、令佢噲生養。

佢懷孕生子、就話、上帝洗嘵我嘅羞恥咯。

叫佢名為約瑟、佢話耶和華必再加一個仔過我。

拉結生約瑟之後、雅各對拉班話、請你打發我番去本鄉。

我服事你、所得嘅妻妾子女、請你俾我帶佢番去、因你知到我點樣服事你喻。

拉班答話、我素日知到耶和華、因你祝福我、若我得你嘅恩、請同我住罷咯。

又話、請你話實幾多工價、我就俾你。

雅各話、我點樣服事你、點樣看你嘅群畜、你知到嘅哩。

我未嚟之時、你所以嘅冇幾多、我嚟之後、耶和華祝福你、令你如今咁富盛、我等幾耐致成立個家業呢。

拉班話、我𢬿乜野俾你呢。雅各話、唔使俾乜野過我、惟有一件事、你若係肯、我就照舊看養你嘅群畜咯。

今日我行過嘥你嘅群畜、挑出有斑有點嘅音量、凡係棕色嘅棉羊、與及有斑嘅山羊、𢬿噉嘅種類、俾過我做工價。

將來𢬿我嘅工價、擠在你面前、若有羊冇斑冇點、棉羊唔係棕色嘅、就(算)我係偷你嘅、噉樣、可以顯出我之公義哩。

拉班話、我願照你噉嚟做咯。

個日拉班就將有紋理、及有斑嘅山羊公、有斑點及間白色嘅山羊乸、棕色嘅棉羊、都挑選出嚟、交嘥過佢仔。

自己共雅各相隔有三日嘅路、拉班其餘的群羊、係雅各去看。

雅各拈柳樹杏樹楓樹嘅枝剝皮、剝成紋理、令個的枝現出的白嘅嚟。

將所剝皮嘅嫩枝、擠在羊飲嘅水渠、兼水槽裏、共羊相對、等羊嚟飲之時喺個處交合。

個的羊共嫩枝相對嚟交合、所生出的羊仔、係有紋理、有點有斑嘅。

雅各就將個的生出有紋理、及棕色嘅羊仔挑出嚟、擠在拉班嘅羊對面、另成一隊、唔俾佢共拉班嘅混雜。

當肥壯嘅羊相交合之時、雅各將的嫩枝、對住羊插在水渠之內、等佢對住的枝嚟交合。

但個的瘦弱嘅羊就唔插的枝咯、自此、瘦弱嘅歸拉班、肥壯嘅歸雅各、於是生長日多、有好多畜牲僕婢駝驢咯。

於是生長日多、有好多畜牲僕婢駝驢咯。