創世記 32 · 1873《創世記》（粵語聯合譯本）

雅各又向前行、上帝個的使者遇著佢。

雅各見佢就話、呢的係上帝嘅軍兵呀、所以叫個笪地做馬哈念。

雅各打發人先去西耳嘅以東地方、見佢大佬以掃。

吩咐佢地話、你對我主以掃噉講、你嘅僕雅各話、我在拉班處寄居、直到今日、

我有牛羊共驢、與及僕婢、特登打發人嚟告過主知、想得你嘅恩其。

打發嘅人番嚟對雅各講話、我地見嘵你大佬以掃、如今佢同埋四百人嚟見你呀。

雅各就慌得好關係、將所有的人、及牛羊駱駝、分開兩隊。

若係以掃嚟攻打一隊、噉就剩一隊重可以逃避。

雅各祈禱話、我祖父亞伯拉罕嘅上帝、我父以撒嘅上帝、耶和華呀、你也曾吩咐我、話番去你本鄉、到你嘅親屬處、我必𢬿恩典待你。

但係你所施過你僕嘅真實恩典、即使至微細嘅、僕都唔稱、因我先日、單係揸一條拐杖過呢條約但河呮、如今成嘵兩隊咯。

我怕大佬以掃嚟攻擊我、共妻子兒女、求你救我脫離佢嘅手。

你也曾話、我必施恩過你、令你後裔好似海邊嘅沙、數唔過咁多。

個晚雅各喺個處歇宿、喺所有嘅挑選出嚟、送過大佬以掃做禮物。

山羊乸二百隻、山羊公二十隻、棉羊乸二百隻、棉羊公二十隻。

駱駝乸三十隻、連埋的仔添、牛乸四十隻、牛公十隻、驢乸二十隻、驢仔十隻。

每樣作一隊、交過僕人嘅手話、你先過我去、令各隊相離略遠。

又吩咐行頭個人話、若係我大佬以掃遇著你、問係乜誰嘅牧人、想去邊處、你面前的牲口係乜誰嘅、

你就話、係你像雅各、送過我主以掃做禮物嘅。雅各亦在我地後便嚟。

又吩咐第二、第三、共個的趕嘅各隊牲口嘅人話、你若係遇著以掃、亦照噉樣對佢講、亦要話、

你僕雅各在後便嚟。雅各嘅意思話、我𢬿禮物先去、令中佬共我和好番、然後致見佢面、或者佢接納我。

於是禮物先行、個晚雅各就喺營中歇宿。

半夜起身、帶住兩個妻、兩個婢、共十一個仔、都過嘵雅泊嘅渡頭。

令眾人過海、將佢所有嘅都過嘥海。

獨係剩雅各喺處、有一個人嚟、共佢鬥力、鬥致天光。

個人知到唔贏得佢、就打雅各嘅髀寞、鬥力之時、雅各嘅髀寞就歪嘵。

個人話、天將近光咯、俾我去罷囉。雅各話、你唔替我祝福、就唔俾你去。

個人話、你叫乜名。佢話、雅各。

個人話、你唔好重叫做雅各、必要改名為以色列、因為你共上帝及人寞力都得勝呀。

雅各話、請話你嘅名過我知。佢話、何必問我名呢、佢就喺個處祝福雅各。

雅各稱個笪地做便以利、話我見嘵上帝嘅面、好彩重得保全生命呀。

雅各過嘵便以利個時、適值熱頭出、佢嘅髀已經跛嘵。

因個人打親雅各嘅髀、傷佢嘅筋、故以色列人到如今、都唔食畜牲嘅大髀筋。