創世記 49 · 1873《創世記》（粵語聯合譯本，香港理工大學數據）

雅各叫眾子嚟話、你地嚟齊、等我𢬿你日後所遇嘅事、講過你知。

雅各嘅眾子呀、你地嚟齊、聽你父親以色列嘅說話。

我長子流便、係我氣力剛勇之時所生嘅、本應大有威勢、大有能力。

但你私慾多、好似水滾、你上父親床、嚟整污穢、故此不能高出兄弟之上。

西面利未兩兄弟、佢刀係殘忍嘅器皿。

我心不願共佢同謀、我意不願共佢同聚、因佢乘怒嚟殺人、任意斬斷牛腳筋。

佢怒猛烈、佢氣暴戾、應受咒詛、我是必分佢在雅各家中、散佢在欲色列族。

猶大呀、兄弟要讚美你、你手必撚仇敵嘅頸、你父之子要拜跪你前。

我子猶大、好似隻少獅、傷殘生物、忽然又去佢(口僕)倒處、好似隻獅公、佢嘐倒處、好似隻獅乸、誰人敢撩佢。

權柄總不能離開猶大、立法總不能離佢後裔、等待賜安者嚟到、眾民必定歸向佢。

綁住佢嘅驢在菩提樹下、亦綁住佢驢仔在好菩提樹間、𢬿酒洗佢衣、𢬿葡萄汁洗佢服。

佢眼因酒變紅、佢牙因牛乳變白。

西布倫必要住在海邊泊船之所、佢之境界、直到西頓。

以薩迦好似壯健嘅驢、(口僕)在欄裏。

佢以安靜為可愛、以土地為好睇、肩背嚟馱負、進貢嚟服役。

但必管理佢嘅百姓、猶如以色列支派一樣。

但好似路邊嘅蛇、途中嘅蝮、咬傷馬腳、騎馬者跌落嚟。

耶和華呀、你之拯救、係我所望。

伽得被兵所敗、後來佢反得勝。

亞設個處、生好穀麥、又出美物、供王所食。

納大好似釋放之鹿、又有文雅之言。

約瑟好似荗盛嘅樹、種在井邊、樹枝長大、伸出牆外。

被射箭嘅人所困苦、射佢憎佢、惟係恃以色列磐石、以色列牧人、即係雅各全能之上帝。

故此佢弓就硬、佢手就強。

你父之上帝、必扶助你、全能之上帝、賜福過你、係天所降嘅福、地出泉嘅福、生產嘅福、乳哺嘅福。

你父替你所求嘅福、勝過亙古山岳所出嘅寶、從前約瑟遠離兄弟而去、呢的福、必歸番佢頭上。

便雅憫好似豺狼最傷害牲畜、朝早吞佢所捉、夜晚分佢所得。

呢的都係以色列十二支派、佢父親為佢祝福、所講嘅話、都係依住佢各人當得嘅福嚟祝。

又吩咐佢話、我將番去祖宗處、當葬我在赫人以弗崙田中之巖、同埋祖父個處。

即係迦南嘅地、在慢哩對面麥比拉田嘅巖、係亞伯拉罕各赫人以弗崙買嚟做墳地嘅。

亞伯拉罕共佢妻撒拉、葬在個處、以撒共佢妻利百加、亦葬在個處、我也曾喺個處葬利亞。

個笪田、共田中嘅巖、係向赫人買嘅。

雅各吩咐完眾子、喺床上歛埋對腳、氣絕就番去祖宗處。