創世記 6 · 1873《創世記》（粵語聯合譯本，香港理工大學數據）

人生在世多起嚟、所生女子、容貌美艷。

上帝之子類、睇見個的人嘅女、就隨意揀擇、娶佢為妻。

耶和華話、人既縱欲、我嘅神唔常時激發佢、因佢係肉體只管容佢一百二十年。

當時有高大嘅人在世、因上帝嘅子類、共世人嘅女子住埋之後、生出的仔、亦係英雄嘅、即係古時有名聲之人。

上帝見世人罪惡滿盈、佢心思所有想像嘅、時常係惡。

耶和華就恨錯造人在世、心中好憂悶。

耶和華又話、我所造之人、及走獸昆蟲飛鳥、都要在地上滅絕佢、因為我悔恨造佢咯。

惟係挪亞在耶和華前得恩典。

挪亞嘅紀略、列明在左。挪亞在世、係善義之人、亦係完全之人、行為合上帝心嘅。

挪亞三個仔、即係閃、含、雅弗。

個時通世之人、在上帝前變壞、全地都係兇惡嘅、

上帝見世上真係變壞嘵、因為在地萬民都壞嘥佢嘅行為呀。

上帝就對挪亞話、萬民嘅末日、嚟到我面前咯、因佢嘅兇惡充滿地上、要連佢所住嘅地都滅埋。

你將松木做一隻方舟、中間分開房位、內外都𢬿瀝青嚟搽。

你做方舟嘅樣子、必要三百尺長、五十尺闊、三十尺高、

舟上開窗要一尺高、旁邊開門、舟分上中下三層、

我要將洪水浸滿地上、滅嘥天下有生命之類、但凡在地上嘅、俱要死亡。

我共你立約、你帶埋共妻共子及媳婦都落方舟。

又將各類生物、一公一母、帶佢落方舟、共你同得保全生命。

飛鳥走獸昆蟲、各樣依番佢類、每族各成匹配、同你喺處嚟保生命。

你要為自己及生物、積埋各樣食物、等你共佢地得嚟食、

挪亞依嘥上帝嘅吩咐去做。