創世記 9 · 1873《創世記》（粵語聯合譯本，香港理工大學數據）

上帝祝福挪亞、名佢嘅仔話、你生養眾多、充滿在地。

地上各樣走獸飛鳥昆蟲及各樣海魚、我都交托你手、令佢服你。

我昔日𢬿蔬菜賜過你食、如今𢬿生物賜過你、樣樣都可食。

惟係肉重有血嘅、即係生命、你就唔好食。

至於在獸流你血嚟害你命、我是必向獸攞番、在人亦係一樣、或向人嘅兄弟處、攞番人嘅命。

但凡流人血嘅、人必流佢嘅血、因為上帝造人、係依自己嘅形像呀。

你地在地上生長眾多、昌盛起嚟。

上帝又對挪亞與及佢仔話、

我共你兼你嘅後裔立約、

及喺你處嘅飛鳥畜牲、地上各獸、即係從方舟出嚟嘅生物立約。

我共你立約、係唔再用洪水剿滅凡有生命嘅、亦再冇洪水嚟浸地方。

上帝又話、我共你地、及喺你處各樣生物、所立永世嘅約、係有記號嘅。

我將天拱擠在雲間、噉就係我共世上立約嘅記號咯。

將來我使雲遮蓋地上之時、雲間必有天拱現出。

我就記念我共你地及各樣生物所立之約、嗣後再冇洪水嚟滅凡有生命嘅咯。

天拱現在雲間、我睇見、就記起我並地上各樣生物所立之永約咯。

上帝又對挪亞話、我共地上凡有生命嘅所立之約、就𢬿呢的嚟做記號嚹。

挪亞之子出嘵方舟嘅即係閃、含、雅弗、含係迦南嘅父親。

後來挪亞呢三個仔嘅子孫、生滿各處地上。

挪亞起首做農夫、種菩提異。

飲菩提汁、不覺醉倒、在帳幕中、脫嘥衣服。

迦南嘅父親含、見父親赤身、出去話過兩兄弟知。

閃共雅弗、將衣服搭在膊頭、倒褪埋去、遮住父親嘅身、佢面背住、唔見父親嘅赤身。

挪亞醒致知到第二仔向佢所做嘅事。

就話迦南應受咒詛是必做奴像嘅奴僕、嚟服事佢兄弟。

又話、應當讚美耶和華、即係閃嘅上帝、迦南必做佢嘅奴僕。

上帝令雅弗嘅地方廣闊、必住在閃嘅帳幕、迦南亦做佢嘅奴僕。

洪水之後、挪亞仍在世三百五十年、享壽九百五十歲致死。

享壽九百五十歲致死。