耶穌講呢的，就舉眼望住天，話：「父呀，時候到略，歸榮你子喇，等你子亦歸榮你。
因爲你旣賜權柄過佢制伏凡有血氣嘅，等佢摵永生賜過凡你所賜過佢嘅人。
永生卽係知到你獨一位眞上帝，與及你所打發嘅耶穌基督呀。
我在地上也曾歸榮你，你所託我做嘅事，我已經做成。
父呀，如今令我同你得榮光，卽係在創世之前我同你所有嘅榮光。
你由世間所賜過我嘅人，我已經將你名顯示過佢；佢本來係你嘅，你將佢賜過我，佢也曾遵守你道咯。
如今佢哋知到，但凡你賜過我嘅，俱係由你出。
因爲我摵你所賜過我嘅說話賜過佢，佢哋已經受唬，而且眞正知到我從你處出，又信你打發我呀。
我爲佢哋祈禱，唔係爲世界祈禱，獨係爲你所賜過我嘅，因爲佢係屬你嘅呀。
但凡屬我嘅係屬你，屬你嘅係屬我，我在佢哋處得榮光。
自今以後，我唔再喺世上，但係佢哋喺世上，我嚟到你處。聖父呀，你所賜過我嘅，託你名保守住佢，令佢哋合而爲一，好似我哋噉樣。
我同埋佢哋個時，託你名嚟保守住佢；你所賜過我嘅，我保守住。其中有一個亡失，獨係亡失沉淪之子呮，致應騐聖書所寫略。
如今我嚟你處，我重喺世上講呢的，令佢哋心中得滿我嘅歡樂。
我曾將你道賜過佢哋，世界又憎惡佢，因佢唔係屬世界，好似我唔係屬世界一樣。
我唔求你將佢離開世界，但係求你保佑佢離開罪惡。
佢哋唔係屬世界，好似我唔屬世界一樣。
願你用眞理令佢哋聖潔，你嘅說話卽係眞理呀。
好似你打發我入世界，我都係噉樣打發佢入世界。
我爲佢自己成爲聖潔，令佢都由眞理成爲聖潔。
我不獨爲呢的人祈禱，亦爲但凡聽佢哋說話嚟信我嘅祈禱，
合佢哋大家合而爲一。父呀，好似你在我，我在你，令佢亦在我哋合而爲一，等世人信你打發我呀。
我摵你所賜過我嘅榮光賜過佢哋，令佢哋合而爲一，好似我哋合而爲一。
我在佢哋，你亦在我，令佢哋成爲完全合而爲一，而且令世人知到你打發我，知到你愛佢哋，好似愛我噉。
父呀，我喺個處，願你所賜過我嘅人亦同埋我喺個處，等佢哋見你所賜過我嘅榮光，因爲你自創世之先愛我咯。
公義嘅父呀，世人唔識你，獨係我識你，呢的人都知到你打發我嚟嘅。
我也曾城你名顯示過佢知，將來又顯示添，令你所愛我噉愛在佢哋，我亦在佢哋呀。」