路加福音 13 · 1883《路加傳福音書》（粵語聯合譯本修訂本，香港教育大學數據）

個陣時同埋喺處嘅，有的人話耶穌知，彼拉多𢬿加利利人嘅血，混雜喺佢嘅祭物處。

耶穌答佢哋話，因為呢的加利利人，受噉嘅害，你就估佢嘅罪，越發大過眾加利利人咩。

我話你哋知，唔係，若你哋唔悔改，大眾亦必噉樣滅亡呀。

從前西羅亞㙮跌嘵，磧死十八個人，你哋估個的人，比較凡喺耶路撒冷住嘅越發有罪咩。

我話你哋知，唔係，若你哋唔悔改，大眾亦必噉樣滅亡呀。

耶穌就講呢的譬喻話，有個人，𢬿無花果樹，種落佢嘅菩提園，後來嚟到，喺樹上揾果子，唔揾得倒。

就對看園嘅人話，我三年都嚟，喺呢樖無花果樹揾果子，總唔揾得倒，斬嘵佢喇，做乜俾佢廢嘵個的地呢。

看園嘅答話，主，今年由得佢，等我周圍掘鬆嚟培糞。

或者結果，倘若冇，然後致斬嘵佢喇。

當安息日，耶穌喺一間會堂教緊人。

喺個處，有個女人被鬼迷，病嘵十八年，背駝總唔伸得直。

耶穌睇見，就叫佢嚟對佢話，婦人呀，你嘅病解甩咯。

就𢬿隻手按吓佢，個女人即時伸得直腰，歸榮上帝。

管理會堂嘅，睇見耶穌當安息日醫人，就好惱，答大眾話，有六日應該做工夫，個六日嚟受醫，但安息日就唔好嚹。

主答佢話，偽善嘅人呀，當安息日，你哋邊個唔喺欄裏頭，解佢嘅牛或驢，拉去俾水佢飲呢。

何况呢個婦人，係亞伯拉罕嘅後裔，撒但已經綁住佢十八年，唔應當喺安息日，解甩佢嘅結咩。

耶穌講出呢的事，個的對敵嘅人，大家都見羞愧，但羣眾因耶穌做咁多榮顯嘅事，就好歡喜。

所以耶穌話，上帝嘅國，好似乜野呢，又𢬿乜野嚟比佢呢。

好比一粒芥菜種，被人𢬿嚟撒落佢嘅園，長大起嚟，成嘵一樖樹，個的空中嘅雀鳥，住在佢枝上呀。

又話，我𢬿乜野嚟比上帝嘅國呢。

好比酵種，個女人𢬿嚟藏落三斗麵粉裏頭，等佢發起嘥酵嚟。

耶穌向住耶路撒冷去，經過各城各鄉，一路教訓人。

有個人對耶穌話，主呀，得救嘅人係少咩。

耶穌對佢哋話。盡力爭入窄門喇，我話你哋知，因為好多想入唔入得嘅呀，

及家主起身閂埋門之後，你哋企倒外出打門話，主呀，開門過我哋喇，佢將答你哋話，我唔知你哋喺邊處嚟嘅。

個陣時，你哋就噲話，我哋也曾喺你面前飲食，你亦喺我哋街上教訓。

佢將話，我話你哋知，我唔知你喺邊處嚟嘅，你眾行惡嘅人，離開我去喇。

你睇見亞伯拉罕，以撒，雅各，與及眾先知，都喺上帝嘅國，惟獨自己被趕逐出外個時，就必定咬牙切齒嚟啼哭咯。

喺東邊西邊，南邊北邊，將有人嚟喺上帝嘅國坐席。

但有的尾後嘅人，將做先頭，先頭嘅人，將做尾後呀。

個陣有的𠵽唎㘔人，嚟對耶穌話，你離開呢處去喇，因為希律想殺你呀。

耶穌對佢哋話，你去話過個隻狐狸知，今日明日，我要趕鬼醫人，到第三日，我就完全咯。

雖然係噉樣，今日明日及後日，我必要行咯，因為先知，唔得在耶路撒冷之外死亡𡃉。

耶路撒冷呀，耶路撒冷呀，你係殺個的先知，𢬿石掟個的奉命到你處嘅，我已經幾多次想聚集你子民，好似鷄乸聚集鷄仔喺翼下一樣，但係你唔肯。

噉就你哋嘅屋，將留落為廢地嘅，我話你哋知，從今以後，你哋唔再見我，等到你哋話，托主名嚟嘅有福個時囉。