安息日，耶穌到一個法利賽人嘅首領家中食飯，佢哋就窺探佢。
在佢面前有一個患水臌病嘅。
耶穌對律師共法利賽人話：「安息日醫病着唔着呢？」
佢哋都唔出聲。耶穌就將個個人醫好由得，佢去；
就對佢哋話：「你哋之中也誰有驢或有牛，在安息日跌落井，唔係卽刻拉佢上來呢？」
佢哋不能答得呢的說話。
耶穌見所請嘅客揀擇上位坐，就用比喻對佢哋話：
「你被人請去赴婚姻嘅筵席，唔好坐上位，恐怕有比較你更尊貴嘅客都被請來；
個請你哋嘅人埋來對你話：『讓位過呢個人喇！』噉就你必羞愧退去坐落至尾嘅位咯。
但你被請之時，就去坐倒至尾嘅位，等請你嘅人來對你話：『朋友，請坐上喇。』噉就你在同席人嘅面前有榮耀咯。
但凡自高嘅，必降爲卑；自卑嘅，必升爲高呀。」
耶穌又對請佢嘅人話：「你擺設朝餐或晚餐，唔好請你嘅朋友、兄弟、親戚，共富厚嘅隣舍，恐怕佢哋亦請番你，你就得嘵報答咯。
但你擺設筵席，就要請個的貧窮嘅、殘廢嘅、跛脚嘅、盲眼嘅，你就有福咯！
因爲佢哋冇嘢報答你嘅。到義人復生之時，你就得報答咯。」
同席人之中有一個聽聞呢的說話，就對耶穌話：「在上帝國中食飯嘅有福咯！」
耶穌對佢話：「有一個人擺設大筵席，請嘵好多人客。
到嘵坐席嘅時候，打發僕人去對所請嘅人話：『請來喇！樣樣都齊備咯。』
衆人都同埋一心推辭。第一個話：『我買嘵一塊地，必要去睇吓。請你准我推辭。』
又有一個話：『我買嘵五對牛，要去試吓。請你准我推辭。』
又有一個話：『我娶嘵妻，所以不能來。』
個僕人番去，將呢的事都話過佢主人。知家主就發怒起來，對僕人話：『快的出去，到城裏大街小巷，帶個的貧窮嘅、殘廢嘅、盲眼嘅、跛脚嘅入來。』
人話：『主呀，你所吩咐嘅已經做嘵，但重有空位呀。』
主人對僕人話：『你出去到路上籬邊，勉強人入來，坐滿我嘅屋喇。
我話你哋知，先頭所請嘅人一個都唔嘗得我嘅筵席呀。』」
有大羣嘅人共耶穌同行。耶穌轉身對佢哋話：
「人來我處，若不愛我勝過愛佢嘅父母妻子兄弟姊妹及佢之生命嘅就不能做得我嘅門徒愛我勝過愛：原文作恨。
凡唔貯起自己嘅十字架來跟從我嘅，亦不能做得我嘅門徒。
你哋邊一個想起一座樓，唔係先坐處打算過個的費，用能夠起得成唔夠呢？
恐怕安嘵地基，不能成功，就但凡睇見嘅人噌譏誚佢，話：
『呢個人起首建造，但不能造得成呀。』
或係一個王出去共別個王打仗，豈唔係先坐處商量，能用一萬兵可以敵得個個帶二萬兵來攻打佢嘅呢？
若係不能，就要趁敵人重喺好遠個時，派使者去求講和嘅條款嚇。
噉樣，你哋唔論邊個，若唔捨棄一切所有嘅，就不能做得我嘅門徒。」
「鹽係好嘅；鹽若失嘵味，就可用乜嘢使佢復番味呢唔着？
落田，又唔着落糞堆，惟有倒出外便呮。有耳可聽嘅，就要聽嚇！」