路加福音 17 · 1883《路加福音傳》（粵語聯合譯本修訂本，香港理工大學）

耶穌對門生話、令人陷罪嘅事、必不能冇、但令人陷罪嘅、個個人有禍咯。

或佢令呢的小子一個陷罪、就寧可被大石磨掛住頸、𢫕落海重好呀。

你哋要自己謹愼、倘若你嘅兄弟犯罪、就勸諫佢、若係悔罪、就赦免佢。

倘若佢一日七回得罪你、亦七回番轉嚟話、我悔罪咯、你就要赦免佢。

個的使徒對主話、請你加多我哋嘅信德。

主話、若你哋有信、好似芥菜種噉、就可以對呢棵桑樹話、拔起根嚟種落海、佢都聽你哋話咯。

你哋邊個有奴僕、或去耕田、或去看牛、喺田番嚟、就叫佢即時坐埋筵席呢。

豈唔係對佢話、你預備我嘅晚餐、束起腰帶嚟服事我、等我飲食完、然後你致飲食囉。

因個僕遵命去做、主人就多謝佢咩、

噉樣、你哋照所吩咐嘅嚟做嘥、都要自己話、我哋係無益嘅、僕、因為我做嘅、係本分所當做嘅呮。○

耶穌去耶路撒冷個時、經過撒馬利亞加利利。

入一條村、有十個痲瘋嘅人撞見佢、就離遠企處。

大聲叫話、耶穌老師、可憐我哋。

耶穌睇吓佢哋、就話、去喇、俾祭司睇吓你哋。佢哋去個時、就得潔淨咯。

其中有一個見自己好番嘥、就番轉頭大聲歸榮上帝。

又𡂈倒耶穌腳下嚟多謝佢。呢個係撒馬利亞人呀。

耶穌答話、得潔淨嘅、唔係十個人咩、個九個喺邊處呢。

除嘵呢個外族人、未曾有第二個番嚟歸榮上帝呢。

就對個個人話、起身去喇、你嘅信救嘵你咯。○

法利賽人問耶穌上帝嘅國、幾時致到呢。耶穌就答佢哋話、上帝嘅國、唔係顯然嚟到嘅。

人唔話得睇吓喺呢處、或喺個處、因為上帝嘅國、喺你哋嘅心呀。（或作係在你哋之中呀）○

又對佢嘅門生話、時候將到、你哋想見人子嘅一日、都唔見得。

有人噲對你哋話、睇吓喺呢處、睇吓喺個處、你唔好去、又唔好跟從呀。

因為好似天上閃電、閃在呢邊、光到個邊、人子嚟個日、亦係噉樣。

但佢是必先受好多苦難、被呢個世代厭棄。

好似挪亞個陣時、個的又飲食嫁娶。

到挪亞入方舟個日、洪水嚟到、剿滅嘥眾人、人子嚟個日、亦係噉呀。

又好似喺羅得之時、個的人飲食買賣、耕種起屋。

到羅得出所多馬個日、自天有火共硫磺落嚟、剿滅嘥眾人。

喺人子顯現之日、亦係噉樣。

當個日、有人喺屋背嘅、佢傢伙喺屋裏頭、唔好落去擰呀、又有人喺田嘅、唔好番入屋呀。

要記住羅得嘅妻呀。

但凡想保全佢生命嘅、必噲喪失、但凡喪失佢生命嘅、必噲保全呀。

我話你哋知、個晚兩個人同床、取一個、舍一個。

兩個女人同埋推磨、取一個、舍一個。

兩個人喺田間、取一個、舍一個。

佢哋問話、主呀、邊處有噉呢。耶穌對佢話、屍喺處、麻鷹就聚集個處咯。