路加福音 2 · 1867《路加傳福音書》（香港教育大學數據）

當時該撒亞古士督降醮，吩咐天下嘅人，寫落在戶口冊。

居里(紐)做敘利亞總督個時，呢註冊嘅事始初頒行。

眾人去上冊，各人番去自己嘅城。

約瑟係大闢嘅子孫，所以離嘵加利利，拿撒勒城，去猶太，到大闢嘅城，名叫伯利恆。

同埋佢聘訂嘅老婆馬利亞，一齊上冊，個陣時佢已經懷嘵孕咯。

住倒個處，懷孕嘅期滿。

就生個長頭仔，使塊布包住，擠倒馬槽個處，因為客店冇地方。

喺個處荒野有養羊嘅人，夜晚輪流看守羊群。

主嘅使者臨近佢，主嘅榮光周圍照耀佢；就十分恐怕。

天使對佢話：唔使怕，我報俾你知個大大歡喜嘅好消息，關大眾百姓𡃉。

因為今天喺大闢嘅城為你生救主，即係基督，係主。

你將睇見個細蚊仔，俾布包住，擠倒馬槽個處，個的就係記號咯。」

忽然大眾天軍，同埋天使，讚美上帝，話：

在上高榮光歸番上帝，在地下有和平，人得恩澤。

大眾天使升天去，養羊嘅人斟酌話：「我地去伯利恆睇遇著嘅事，即係主指示我地嘅呢。」

急忙去到，睇見馬利亞共約瑟，都睇見個細蚊仔瞓倒馬槽個處；

既經睇見，就𢬿講俾佢知道細蚊仔嘅事，遠近傳揚。

凡聽聞牧者所講嘅人，個個都見出奇。

馬利亞擠埋個的說話喺心嚟想吓。

牧羊嘅人番去歸，因為睇見聽見嘅都按照指示佢嘅說話，就歸榮，讚美上帝。

到第八日為個細蚊仔行割禮，安佢嘅名叫做耶穌，即係唔曾懷孕個時天使所稱嘅。

按照摩西嘅例，佢嘅潔淨日期已經滿，就抱個細蚊仔上耶路撒冷，獻佢俾上主。

按照主嘅律例講嘅話：「凡初胎嘅男仔叫做聖物，獻過上主。

又獻祭按照主嘅律例講嘅，𢬿兩隻斑鳩，或用兩隻白鴿仔。

耶路撒冷有個人，名叫西面，佢公義，敬虔，平日仰慕嗰個安慰以色列百姓嘅，聖神嚟感動佢。

佢曾得聖神默示話：唔曾死個時，必定睇見上主嘅基督。

個陣時，被聖神感動，入到殿堂，啱啱耶穌父母抱個細蚊仔入去，想照律例去做。

西面接手抱個細蚊仔，讚美上帝，話：

主阿！今時可以按照你講嘅，放釋你嘅僕，安安樂樂過世咯；

因為我親眼睇見你嘅得救嘅福，

你所齊備喺萬民面前嘅。

係光，光照外邦嘅人，做你以色列百姓嘅榮光。」

約瑟共個細蚊仔嘅老母出奇，所講論及佢嘅。

西面祝福佢，對佢嘅老母馬利亞話：呢個細蚊仔將立起嚟，俾以色列多人興起，多人衰敗，做辯駁嘅記號。有人將劍㓤穿你嘅心，俾多人嘅心念流出嚟。

有個女先知叫做亞拿，係亞設支派嘅子孫，法耐力嘅女，年紀老大，做娘仔個時同佢嘅丈夫住嘵七年。

佢係寡婦，大約八十四歲，都唔離開殿堂，禁食祈禱，日夜服侍上帝。

個陣時就走前去讚美上主，共埋凡在耶路撒冷想望得贖嘅人講論嗰個細蚊仔。

耶穌父母既經遵主嘅律例做完，就去歸加利利，拿撒勒， 自己嘅村鄉。

嗰個細蚊仔漸漸長大，精神強健，智慧充滿， 上帝嘅恩典照顧佢。

年年逾越節佢兩親去耶路撒冷。

耶穌十二歲個時，佢都遵節期嘅例，上耶路撒冷。

節期已經完滿番去歸，耶穌重喺耶路撒冷，佢老母共約瑟都唔知到，

估佢喺同埋行嘅人中間。已經行嘵一日路，至喺親戚，相識，之中查問。

唔遇著，就轉頭，去耶路撒冷搵佢。

三日後，遇著佢，喺殿堂裡頭，坐倒先生中間，一面聽，一面問。

聽聞嘅人都出奇佢咁聰明，又咁噲對答。

兩親睇見佢，就出奇；佢老母話：「我嘅仔呀，做乜噉樣待我呢？你老竇共我傷心嚟揾你呀！」

耶穌話：「使乜搵我呮？唔知，我應該喺我父親嘅地方咩？」

兩親唔通達佢講嘅說話。

耶穌同埋去歸拿撒勒，孝順父母，佢老母𢬿個的事，擠埋落心處。

耶穌越大，越智慧，越發得上帝共人嘅恩典。