路加福音 24 · 1883《路加福音傳》（粵語聯合譯本修訂本，香港理工大學數據）

當七日期嘅第一日、清早時、個的女人、帶埋佢所整定嘅香料嚟到墳墓。○

睇見個嚿石、已經喺墳墓處轆開。

佢哋入去、唔見嘵主耶穌嘅屍。

因呢的事、正在疑惑個時、有兩個人、企倒側邊、衣服好光嘅。

個的女人好慌、佢嘅面𡂈倒地下、個兩個人對佢哋話、做乜喺死人之中搵生人呢。

佢已經復生咯、唔喺呢處咯、你要記憶佢喺加利利個時、對你哋講過嘅。

話、人子必定解過罪人嘅手、釘在十字架、第三日就復生。

個的女人、記起耶穌嘅說話、

從墳墓處番去、𢬿呢的事、報過十一個使徒、及眾同伴嘅人知。

個的嚟報過使徒知嘅、即係抹大拉嘅馬利亞、雅各嘅老母馬利亞、及約亞拿、又有同伴嘅女人添。

使徒以為佢嘅說話虛假、故此唔信佢、

彼得起身、走到墳墓、噁低頭、睇見個的幼細麻布、擠埋一邊、就去歸、佢心中好詫異呢件事。○

個一日、有兩個門生去一條村、名叫以馬迕、離耶路撒冷二十五里咁遠。

呢兩個人、談論所遇著嘅事。

佢哋談論個時、耶穌自己嚟近、同埋佢行。

呢兩個人、眼見昏花、唔認得佢。

耶穌對佢哋話、你哋同行個時、談論乜野事呢。

佢哋企住、面帶憂愁、有一個名叫革流巴答話、你在耶路撒冷做客、獨唔知個處近日所有嘅事咩。

耶穌對佢哋話、乜野事呀、佢哋答佢話、論及拿撒勒人耶穌嘅事、佢係先知、在上帝共眾百姓面前、說話行為、都有大能嘅呀。

我哋嘅眾祭司長及官府、解佢去定死罪、釘佢落十字架。

但呢個人係我哋平日所望噲贖以色列民嘅、呢的事做成、如今已經三日咯。

而且我哋之中、有幾個女人令我哋驚奇、佢哋清早到墳墓、

唔見嘵耶穌嘅屍。就番嚟話、見過天使顯現、話耶穌復生咯。

我哋之中、有幾個人去到墳墓、所遇著嘅、果然照依個的女人所講、獨係唔見耶穌呮。

耶穌對佢哋話、無知識嘅人呀、你哋嘅心、咁遲慢信先知所有講嘅說話呢。

基督唔係應該受呢的難、而且入到佢嘅榮耀咩。

噉就自摩西起、至到眾先知止、但凡聖經所寫嚟指佢自己嘅、一的都同佢詳細解明。

將到佢哋所去個條村、耶穌好似重要行遠的噉。

個兩個人、勉強留佢話、已經挨晚時候、熱頭上下落咯、請你同我哋歇宿罷略、耶穌就入去、共佢哋歇。

同埋佢哋坐席個時、耶穌擰餅嚟祝謝、擘開分俾佢哋。

佢兩人嘅眼就明番、認得耶穌、忽然又唔見嘵、

佢兩人相講話、在路上同我哋談論、而且詳解聖經個時、我哋嘅心、豈唔係好熱咩。○

佢哋即時起程、番去耶路撒冷、見十一個使徒、及同伴嘅人聚集。

話主果然復生、現出過西門睇咯。

呢兩人又講起路上所遇著嘅、及因為分餅認得佢係耶穌嘅事。○

大眾講緊呢的事、耶穌自己企倒佢哋之中、對佢哋話、願你哋平安。

門生就好驚慌、思疑所見嘅係魂。

耶穌對佢哋話、做乜你哋咁驚慌、做乜個心咁疑惑起嚟呢。

睇吓我手我腳、就知到係我哩、試摩吓我、就睇出咯、因為魂冇骨肉、好似你哋見我有噉嘅。

講緊呢的、就𢬿手腳俾佢哋睇。

門生因為歡喜到極、仍然唔信、見好出奇。耶穌就對佢哋話、你哋呢處有食物冇呢。

佢哋就𢬿一件煎魚、及一塊蜜房俾佢。

耶穌當佢哋面前擰嚟食。

對佢哋話、我平日同埋你哋喺處、已經講過、即係話摩西嘅律法、先知嘅書、及詩篇所載指著我嘅、都必定應驗。

就開佢哋嘅心思、令佢明白聖經。

又對佢哋話、聖經有話、基督應該噉樣受難、到第三日、由死者之中復生。

令人托佢嘅名、傳悔改赦罪嘅道理、自耶路撒冷起、至到萬國。

你哋為呢的事做證人咯。

我將打發我父親所應該嘅、降臨到你、你應該喺耶路撒冷城居住、等到自天上賜權柄過你哋呀。○

耶穌帶佢哋去到伯大尼、遞起手嚟祝福佢。

祝福個時、離開眾人、就升上天。眾人崇拜佢、好歡喜番去耶路撒冷、又時時喺殿堂祝謝上帝。