該撒提庇留登位十五年，本丟彼拉多做猶太嘅總督，希律喺加利利做分國嘅王，佢嘅兄弟腓力喺以土利亞及特拉可尼做分國嘅王，呂撒聶喺亞比利(尼)做分國嘅王，
亞那共該亞法做大祭司頭目個時，撒加利亞嘅仔約翰，住倒荒野嗰處，上帝嘅聖諭降俾佢。
就嚟約旦河四邊，傳悔罪改過嘅洗禮，至俾人得赦罪。
按照先知以賽亞所講嘅說話：有喺荒野傳道嘅聲，話：預備主嘅路，整直佢嘅路仔。
山谷得填高，岡嶺被壓低彎曲嘅整到直，巖巉嘅整到平。
凡有血氣嘅人將睇見上帝嘅拯救。
約翰對嚟想受佢洗禮嘅眾人話：「毒蛇嘅類呀！邊個教你逃避後來嘅刑罰呢？
所以應當結真實悔罪嘅果，唔好依恃亞伯拉罕係我祖宗咁話。我話你知：上帝能夠俾呢的石頭做亞伯拉罕嘅子孫呀。
而家斧頭已經擠落樹根嗰處喇；凡樹唔結好果嘅，就斬嘵佢，擗落火去。
眾人就問，話：我地應當點樣做呢？」
約翰答佢話：有兩件衫，就分俾嗰個冇嘅；有食物都係噉樣。
又有收稅嘅官嚟，想受洗禮，就問，話：先生，我地應該點樣行呢？」
約翰話：除嘵定額嘅錢糧之外，就唔好要多的嚹。」
兵卒又問，話：「我地應該點樣做呢？」約翰話：「唔好勒索人，唔好牟詐人，自己所得嘅糧，就好心足喇。」
因為百姓仰望，大眾心內估約翰即係基督唔定；
約翰就對眾人話：我𢬿水施洗禮俾你，但有一個有權能過我嘅嚟，就係共佢解鞋帶我都唔合當；佢將𢬿聖神共火施洗禮嚟俾你。
佢就擰個篩箕要𢬿佢嘅禾場整得乾乾淨淨，收埋個的麥入倉，𢬿不滅嘅火嚟燒個的糠。
約翰又使好多方法勸慰個的百姓，報好嘅消息俾佢聽。
分國嘅王希律，因為佢兄弟腓力嘅妻希羅底嘅事，及所行嘅各樣惡事，被約翰責成；
乃佢反加憎佢嘅惡刁，約翰坐落監。
大眾百姓受洗禮，耶穌亦親受洗禮，祈禱個時，天就開嘵，
聖神降臨喺耶穌上高，形狀如同白鴿噉樣，喺天有聲出，話：你係我愛嘅仔，我所歡喜嘅
耶穌起個時，大約三十歲，人地以為係約瑟嘅仔；所係希里嘅仔；
佢係馬塔嘅仔；佢係利未嘅仔；佢係麥基嘅仔；佢係雅拿嘅仔；佢係約瑟嘅仔；
佢係馬大提亞嘅仔；佢係亞摩士嘅仔；佢係拿翁嘅仔；佢係以士里嘅仔；佢係拿該嘅仔；
佢係馬押嘅仔；佢係馬大提亞嘅仔；佢係西美嘅仔；佢係約瑟嘅仔;佢係猶大嘅仔；
佢係約亞拿嘅仔；佢係利撒嘅仔；佢係所羅巴伯嘅仔；佢係撒拉鐵嘅仔；佢係泥利嘅仔
佢係麥基嘅仔，佢係亞底嘅仔，佢係哥桑嘅仔，佢係以摩堂嘅仔，佢係耳嘅仔，
佢係約細嘅仔，佢係以列撒)嘅仔，佢係約令嘅仔，佢係馬塔嘅仔，佢係利未嘅仔，
佢係西面嘅仔，佢係猶大嘅仔，佢係約瑟嘅仔，佢係約南嘅仔，佢係以利亞金嘅仔，
佢係米利亞嘅仔，佢係買南嘅仔，佢係馬達他嘅仔；佢係拿單嘅仔；係大闢嘅仔，
佢係耶西嘅仔，佢係阿伯嘅仔，佢係波士嘅仔；佢係撒們嘅仔，佢係拿順嘅仔，
佢係亞米拿達嘅仔，佢係亞蘭嘅仔，佢係以士崙嘅仔，佢係法勒士嘅仔，佢係猶大嘅仔，
佢係雅各嘅仔，佢係以撒嘅仔，佢係亞伯拉罕嘅仔，佢係他拉嘅仔，佢係拿鶴嘅仔，
佢係撒鹿嘅仔，佢係拉九嘅仔，佢係法勒嘅仔，佢係希伯嘅仔，佢係撒拉嘅仔；，
佢係該南嘅仔，佢係亞法撒嘅仔，佢係閃嘅仔，佢係挪亞嘅仔，佢係拉麥嘅仔
佢係馬土撒拉嘅仔，佢係以諾嘅仔，佢係雅列嘅仔，佢係馬勒列嘅仔，佢係該南嘅仔，
佢係以哪士嘅仔，佢係設嘅仔；佢係亞當嘅仔，佢係上帝嘅。