路加福音 3 · 1883《路加傳福音書》（粵語聯合譯本修訂本，香港教育大學）

該撒提庇留，在位之十五年，本丟彼拉多，做猶太嘅總督，希律喺加利利做分封嘅國王，佢兄弟腓力，喺以士利亞，及特拉可尼地方，做分封嘅國王，呂撒聶喺亞比利尼做分封嘅國王。

亞那共該亞法做祭司長個時，撒加利亞嘅仔約翰，喺曠野奉上帝命。

就嚟到約但河，四邊傳悔改得罪赦嘅洗禮。

照依先知以賽亞書中所講，曠野有人聲喓話，預偹主大路，整直佢小路。

各山谷必被填滿，大小山必被掘低，彎曲嘅整到直，巖巉嘅整到平。

凡有血氣嘅，必得見上帝拯救嘅恩。

眾人嚟想受佢洗禮，約翰對佢哋話，毒蛇之類呀，邊個教你避後來嘅惱怒呢。

所以當結果合於悔改，你哋心中咪話，我哋有亞伯拉罕係祖宗呀，因為我話你知，上帝能將呢的石，變為亞伯拉罕嘅子孫呀。

如今斧頭已經擠落樹脚，但凡樹木唔結好果嘅，就斬嘵𢫕落火處。

眾人就問佢話，我哋應當做乜野呢。

約翰答佢哋話，有兩件衫，就要分過冇衫嘅，有食物都要噉做。

又有收稅嘅嚟，想受洗禮，就問佢話，老師，我哋應當做乜野呢。

約翰對佢哋話，除嘵錢糧定額之外，就唔好要多。

兵丁亦問佢話，我哋應當做乜野呢，約翰對佢哋話，唔好勒索人，唔好訛詐人，自己所得嘅糧，就好知足咯。

個陣時，百姓仰望基督嚟，心中揣度，唔知約翰就係唔係。

約翰對眾人話，我用水施洗你哋，但有一個勝過我嘅嚟，我共佢解鞋帶，都唔稱，佢將用聖靈共火施洗你哋，

佢手擰個篩箕，要篩清佢嘅禾場，收麥入倉，用不滅嘅火嚟燒個的糠。

約翰另外有好多說話傳福音嚟勸百姓。

分封嘅國王希律，因為佢兄弟嘅妻希羅底事，及所行各樣惡事，被約翰直諫。

佢反加増呢件惡事，銷住約翰在監。

大眾百姓受曉洗禮，耶穌亦親受洗禮，祈禱個時，天就開嘵。

聖靈降臨在耶穌之上，形狀好似白鴿噉樣，喺天有聲出話，你係我嘅愛子，我所歡喜嘅。

耶穌起首教人個時，大約三十歲，人哋以為係約瑟嘅仔，約瑟以上係希里。

其上係馬塔，其上係利未，其上係麥基，其上係雅拿，其上係約瑟。

其上係馬大提亞，其上係亞麼士，其上係拿翁，其上係以士里，其上係拿該。

其上係馬押，其上係馬大提亞，其上係西美，其上係約瑟，其上係猶大，

其上係約亞拿，其上係利撒，其上係所羅把伯，其上撒拉鐵，其上係尼利。

其上係麥基，其上係亞底，其上係哥桑，其上係以摩堂，其上係耳。

其上係約細，其上係以列撒，其上係約令，其上係馬塔，其上係利未。

其上係西面，其上係猶大，其上係約瑟，其上係約南，其上係以利亞金。

其上係米利亞，其上係買南，其上係馬達他，其上係拿坍，其上係大闢。

其上係耶西，其上係阿伯，其上係波士，其上係撒們，其上係拿順。

其上係亞米拿達，其上係亞蘭，其上係以士崙，其上係法勒士，其上係猶大。

其上係雅各，其上係以撒，其上係亞伯拉罕，其上係他拉，其上係拿鶴。

其上係撒鹿，其上係拉苟，其上係法勒，其上係希伯，其上係撒拉。

其上係該南，其上係亞法撒，其上係閃，其上係挪亞，其上係拉麥。

其上係馬土撒拉，其上係以諾，其上係雅列，其上係馬勒列，其上係該南。

其上係以哪士，其上係設，其上係亞當，其上係上帝。