路加福音 5 · 1883《路加福音傳》（粵語聯合譯本修訂本，香港理工大學數據）

大眾擠擁、想聽上帝嘅道理、耶穌企倒革尼撒勒湖邊。

睇見兩隻船喺湖邊、個的攞魚人、離嘵船去洗網。

一隻船係西門嘅、耶穌落去、請佢撑開、離岸的咁遠、就坐倒處、喺船上教訓眾人。

講完、就對西門話、撐到深水個處、撒網攞魚喇。

西門答佢話、夫子、我哋成夜辛苦、都唔攞得倒、如今聽你話、我就去撒網。

佢網既撒、就圍得好多魚、個張網上下裂。就扱第二隻船嘅夥計嚟幫佢拉、

佢哋嚟到、裝滿兩隻船、將近沉咯。

西門彼得睇見、就𡂈倒耶穌腳下話、主、請你離開我、我係罪人咯。

因為佢與及同埋佢嘅人、攞倒咁多魚、個個都好慌。

西門嘅夥計、西比太嘅仔雅各約翰、都係噉、耶穌對西門話、唔使怕、從今以後、你必得人咯。

佢哋拉船上岸、就舍去各樣物件、跟從耶穌。○

耶穌喺一個城、有個人全身痲瘋、睇見耶穌、就𡂈倒地求佢話、主、你若係肯、就醫得我潔淨咯。

耶穌伸手摩吓佢話、我肯、你得潔淨嘅、個的瘋即時就除嘵。

耶穌禁止佢、唔好話過人知、但去俾過祭司睇吓、而且因為你得潔淨、獻摩西所吩咐嘅禮物、俾過眾人做證據呀。

耶穌嘅名聲、越發傳揚、群眾齊集、嚟聽道理、又想佢醫好自己嘅病。

但耶穌退去曠野祈禱。○

當一日、耶穌教訓個時、有法利賽人同教法司、喺加利利共猶太省各村鄉、與及喺耶路撒冷、嚟坐倒處、主顯出佢嘅權能、醫好病人。

有人𢬿床擡個瘋癱嘅、想擡入去、擠倒耶穌面前。

因為人多、唔擡得入去、就上屋背、由瓦中連床吊落去、擠倒耶穌面前。

耶穌見佢咁信、就話、朋友、你嘅罪得赦咯。

個的讀書人及法利賽人、私下議論話、呢個咁褻瀆嘅、係乜誰呢、上帝之外、邊個能赦罪呢。

耶穌知到佢嘅意思、就答佢話、你哋心內議論乜野呢。

話你嘅罪得赦、抑或話你起身行、邊件更易呢。

但係令你哋知到、人子喺地上、有赦罪嘅權柄、就對個瘋癱人話、我吩咐你起身、擰個張床去歸。

個人喺眾人面前、即時企起身、擰佢嘅睡鋪番去屋𨀣、歸榮上帝。

眾人驚奇、都歸榮上帝、而且十分驚慌話、我哋今日睇見奇事咯。○

後來耶穌出去、睇見一個收稅嘅人、名叫利未、坐倒稅關、就對佢話、跟從我喇。

佢就舍去各樣物件、起身嚟跟耶穌。

利未喺屋𨀣、大排筵席請耶穌、有好多收稅嘅、共別二的人、同埋坐席。

法利賽人及個處嘅讀書人、彈耶穌嘅門生話、因何共收稅嘅罪惡嘅、同埋飲食呢。

耶穌答佢哋話、壯健嘅人、唔使要醫生、但係有病嘅人致要呮。

我嚟唔係叫義人悔改、係叫罪人悔改呮。○

眾人對佢話、約翰嘅門生、屢次禁食祈禱、法利賽人嘅門生、都係噉、但你嘅門生、又飲又食。

耶穌對佢哋話、新郎重喺處、點叫得賀喜嘅人禁食呢。

但將來新郎必定離開佢哋去嘵、個時就禁食咯。

就將譬喻對佢講話、冇人剪新衫嘅布、嚟補舊衫𡃉、若係噉、就怕整爛新嘅、而且所用個的新嘅補落去、共舊嘅亦唔合呀。

冇人使舊皮袋嚟載新酒、若係噉、就怕新酒逼裂個袋、酒漏出嚟、袋又爛嘵。

惟係新酒必載落新皮袋、冇人飲開舊酒、又想飲新嘅、因為佢話、舊嘅越發好呀。