路加福音 7 · 1883《路加福音傳》（粵語聯合譯本修訂本，香港理工大學數據）

耶穌講完咁多說話過百姓聽、就入迦百農、

有個百把總、佢所愛嘅僕、病到將近死。

聽聞耶穌所行嘅事、就打發猶太人嘅長老、去求耶穌、嚟醫佢嘅僕。

長老見耶穌就懇切求話、佢係好人、共佢做呢件事係著嘅。

因佢愛我哋百姓、而且為我哋起間會堂。

耶穌同埋個的人去、離屋冇幾遠個時、個百把總打發朋友嚟見耶穌話、主唔使勞動咯、因為你到我屋舍、我唔敢當。

故此我以為自己亦唔稱嚟見你、但求你講一句話、我嘅僕就必得好番。

因為我都屬大官權下、亦有兵屬我權下、吩咐呢個去就去、吩咐個個嚟就嚟、叫我嘅僕做呢件事、就做呢件事咯。

耶穌聽聞呢的說話、就見出奇、回頭睇吓跟佢嘅眾人話、我話你知、喺以色列人之中、唔曾見過咁大嘅信德呀。

受打發嘅人去歸個時、睇見個僕、已經好番咯。○

第二日、耶穌入到一個城、名叫拿因、有門生共眾人同行。

將近城門、有人擡個死人出嚟、佢母親獨係生呢個仔呮、而且佢係寡婦、城裏嘅人、好多嚟相送。

主睇見個寡婦、就憐憫佢話、唔使啼哭。

就行前去摩吓個死人嘅架、個的擡死人嘅就歇住、耶穌話、少年人呀、我吩咐你起身。

個死者就起身、坐倒處講說話、耶穌𢬿佢交番佢母親。

眾人就慌起嚟、歸榮上帝話、有大先知、興起在我哋之中、上帝照顧佢嘅百姓咯。

噉就呢個風聲傳揚通猶太、與及周圍地方。○

約翰嘅門生、𢬿呢的事、話嘥過佢知。

約翰就叫兩個門生嚟、打發佢哋去見主話、應當嚟嘅、就係你唎咩、抑或重要望第二個人呢。

個兩個人、到耶穌處就話、施洗禮嘅約翰、打發我嚟見你、問應當嚟嘅、係你、抑或重要望第二個人呢。

個陣時耶穌醫好多人嘅病症、及被惡鬼迷嘅、又令好多盲眼人睇得見。

耶穌就答佢哋話、𢬿你所見所聞嘅、去話過約翰知、即係盲嘅睇得見、跛嘅會行、痲瘋嘅得潔淨、聾嘅得聽聞、死嘅復生、貧窮嘅得聽福音。

凡係唔厭棄我嘅、就有福咯。

約翰打發嘅人、已經番去、耶穌就講起約翰對眾人話、你出曠野、睇乜野呢、想睇風吹蘆荻草咩。

你出去睇乜野呢、想睇一個著好衣服嘅人咩、但個的著華美衣服、安安樂樂度日嘅、係在王宮嘅呀。

到底你出去想睇乜野呢、睇先知咩、真係咯、我話你知、佢係大過先知者多呀。

聖經有寫、我打發我嘅使者、喺你面前、在先預偹你嘅路、即係指呢個人咯。

我話你哋知、婦人所生嘅、未有一個大得過約翰呀、但喺上帝國至細嘅、都大過佢。

眾百姓及收稅嘅、已經受約翰洗禮、如今聽聞呢的話、就稱上帝為公義。

但法利賽人、及教法師、唔受約翰洗禮、棄絕上帝嘅旨意、嚟損害自己。○

主又話、我將乜野、嚟比較呢個世代嘅人呢、佢哋好比乜野呢。

好比細伩仔、坐倒市上、彼此相叫話、我哋對住你吹簫、你唔跳舞、我哋唱哀歌、你唔啼哭。

施洗禮嘅約翰嚟、佢唔食餅、唔飲酒、你哋就話、佢係被鬼迷。

人子嚟、又飲又食、你哋就話、嚡、佢好飲好食嘅人、係稅吏及罪人嘅朋友。

惟係智慧嘅仔、個個都明智慧嘅義呀。○

有個法利賽人、請耶穌食飯、耶穌入佢屋𨀣坐席。

城裏有個女人、平日有惡行嘅、知到耶穌坐倒法利賽人屋𨀣、就擰個玉盒、載住香膏、

企在耶穌後便啼哭、眼淚流濕耶穌嘅腳、𢬿自己頭髮嚟抹、又俾嘴親耶穌嘅腳、將香膏搽落去。

請耶穌食飯嘅法利賽人、睇見呢的事、心裏就話、呢個人若係先知、就是必知摩佢嘅係乜誰、亦知係點樣嘅人咯、因為佢係行惡嘅呀。

耶穌對佢話、西門、我有的事話你知、西門話、老師、請講喇。

耶穌話、一個債主、有兩個債仔、一個欠銀五十兩、一個欠銀五兩。

因為兩個都冇得還、債主就免嘵佢哋嘅、佢兩個人、邊個愛債主多呢。

西門答話、我估個個免得多嘅、耶穌對佢話、你估得著咯。

就回頭睇住個女人、對西門話、你睇見呢個女人喇、我入你屋𨀣、你唔曾𢬿水洗我腳、惟係佢俾眼淚流濕我腳、俾佢頭髮抹番乾、

你唔曾親我嘴、惟係佢自從我入嚟、就不歇親我腳。

你唔曾𢬿膏搽我頭、惟係佢𢬿香膏搽我腳。

所以我話你知、個女人罪惡多、我赦嘵佢嘅、因為佢愛係多、但個的赦得少嘅、佢愛亦係少呀。

就對個女人話、你嘅罪赦嘵咯。

同席嘅人、私下講話、呢個係乜野人、噲赦得人罪呢。

耶穌對個女人話、你嘅信德救嘵你、可以平安去歸咯。