馬太福音 12 · 1882《馬太福音傳》（粵語聯合譯本修訂本，香港理工大學）

個陣時、耶穌正在安息日、經過禾田、佢門生肚餓、摘的禾蕾嚟食。

但係法利賽人睇見、就對佢話、你門生做安息日唔著做嘅事呀。

耶穌對佢哋話、大闢與及跟佢嘅人肚餓之時、所做嘅事、你哋未曾讀過咩。

即係佢入上帝殿、食個的擺設嘅餅、但個的餅、佢共跟隨佢嘅都唔著食、獨係祭司致食得呮、

又律法所載、當安息日、祭司喺殿裏頭、犯安息日、都冇罪、你亦未曾讀過咩。

但係我話你哋知、呢處有個更大過殿嘅。

倘若你哋曉得我愛矜恤、唔愛祭祀個句嘅意思、就唔執責冇罪嘅咯。

因為人子係安息日嘅主呀。○

耶穌離嘵個處、入佢哋嘅會堂、

有個人枯嘵一隻手、有人問耶穌話、當安息日施醫、著唔著呢、意思想告訟佢、

耶穌對佢哋話、你哋乜人有一隻羊、倘若當安息日、跌落坑處、唔揸住拉佢上嚟呢、

人貴重過羊幾多呢、所以當安息日行善、係著嘅。

就對個人話伸你手、佢伸開、就好番、好似別隻一樣。○

法利賽人出去、同謀點樣嚟殺耶穌。

但係耶穌知到、就離嘵個處、好多人跟從佢、耶穌醫好嘥佢哋、

嚴戒佢哋唔好將佢講過人知。

噉就應嘵先知以賽亞所講話、

睇吓我所揀擇嘅臣子、係我所愛嘅、我心歡喜嘅、我將我聖神賜俾佢、佢必定𢬿律法嚟指示異邦人。

佢唔爭鬥、唔嘈吵、喺街上冇人聽見佢聲。

已傷嘅蘆荻、佢唔拗折、將滅嘅燈花、佢唔整熄、至到使律法嚟得勝。

異邦人亦要仰望佢名咯。○

個陣時、有人帶一個俾鬼害到盲共啞嘅嚟、耶穌就醫佢、令個盲共啞嘅一自講、一自睇見。

眾百姓以為出奇、就話、呢個唔係大闢嘅子孫咩。

惟係法利賽人聽見話、呢個趕鬼嘅、無非藉賴鬼王別西卜呮。

但係耶穌知到佢意思、就話、但凡國自己相爭、就必定變為墟、但凡一城一家自己相爭、必不能立。

倘若撒但趕逐撒但、就係自己相爭哩、佢嘅國點能成立呢。

若係我藉賴別西卜嚟趕鬼、你嘅子弟、就藉賴乜誰嚟趕鬼呢、故此佢哋將議論你咯。

若係我藉賴上帝嘅聖神嚟趕鬼、噉就上帝國降臨到你咯。

邊個人、能入勇士嘅屋、劫佢嘅器具呢、除非先綁住勇士、然後致劫得佢屋呮。

唔歸向我嘅、就係攻打我、唔共我聚埋嘅、就係分散嘅咯。

故此我話你知、但凡罪惡及褻凟嘅、個的人可以赦得、獨係褻凟聖神嘅、不可以赦得。

又但凡講說話嚟攻擊人子嘅、個人可以赦得、獨係𢬿說話嚟攻擊聖神嘅、今世來世、都不可以赦佢。

或以為個棵樹係善、連埋佢嘅果都善、或以為個棵樹係惡、連埋佢嘅果都惡、因為睇見佢嘅果、就識得樹出咯。

毒蛇之類呀、你既然係惡、點能講得善呢、因為由心充滿嘅、口就講出嚟。

善人由佢積埋嘅善、發出就係善、惡人由佢積埋嘅惡、發出就係惡。

但係我話你知、人哋講乜野閒話、當審判嘅日、必定要直陳出嚟咯。

因為由你嘅說話就稱為義、亦由你嘅說話、就定得罪呀。○

個陣時、有的讀書人、與及法利賽人、對佢話、老師呀、我哋想見你嘅奇兆。

但係耶穌答佢哋話、姦惡嘅世代搵奇兆、除嘵先知約拿奇兆之外、冇𢬿別樣奇兆俾佢睇。

因為好似約拿三日三夜、喺大魚嘅肚裏、人子亦將三日三夜在地心咯。

尼尼微人當審判時、對呢代嘅人噲起嚟、定佢嘅罪、因為尼尼微人聽約拿宣講、就悔改咯、何况有大過約拿嘅喺呢處呀。

南方嘅女王、當審判時、對呢代嘅人噲起嚟、定佢嘅罪、因為女王喺地之極嚟、聽所羅門嘅智慧咯、何况有大過所羅門嘅喺呢處呀。○

邪鬼既離開人、喺旱地遊行、求安樂又唔得、

就話我要番去我出嚟嘅屋、去到、就見個間屋空虛、打掃修飾過咯。

佢就出去、又帶七隻鬼、惡過自己嘅、同埋入去、住倒個處、噉就個個人嘅後患、比較先日越發關係、呢的為惡嘅世代、將來都係噉樣呀。○

耶穌同眾人講緊個時、佢母親與及佢兄弟、企倒外頭處、想共佢講。

有人對佢話、你母親及你兄弟、企倒外頭處、想共你講。

佢就答個人話、乜誰係我母親、乜誰係我兄弟呢、

就伸手指住佢門生話、睇吓我母親同埋我兄弟吖。

但凡依我天父旨意嚟行嘅、就係我兄弟姊妹母親咯。