當個日，耶穌出嘵家外，坐倒海邊。
有群眾聚埋嚟到佢處，噉就佢落船坐，眾人企在岸上。
就多方設譬喻嚟講話，有一個撒種嘅人，出去撒種。
撒個陣時，有的跌落路邊嘅，雀鳥嚟到，盡哋食嘥。
有的跌落石地處，泥土淺薄，即時發生，因為泥冇幾深呀。
熱頭出嚟蒸佢，因冇根蔃，就乾枯嘵。
有的跌落荊棘裏頭，荊棘生起嚟逼住佢。
有的跌落肥地，結實有百倍，有六十倍，有三十倍。
有耳可聽嘅，就要聽嚹。
門生嚟對佢話，做乜同眾人講譬喻呢。
耶穌答佢哋話，因為天國嘅奧妙，賜過你哋知到，惟係唔賜過佢哋。
因為但凡有嘅，必定賜佢，至到有餘，但凡冇嘅，連佢所有，都要奪埋。
故此我用譬喻同佢哋講，因為佢哋睇都睇唔見，聽都聽唔聞，又唔曉呀。
噉就在呢的人，應嘵以賽亞先知嘅話，你哋聽嘅都聽唔曉，睇嘅都睇唔見。
因為呢的百姓，心係頑梗，佢耳懶聽，佢眼自己閉埋，怕到俾眼睇見，俾耳聽聞，心中曉得，就噲改變，俾我醫好呀。
但係你哋眼有福咯，因為睇見呀，你哋耳有福咯，因為聽聞呀。
我實在話你哋知，昔日有好多先知與及義人，想見你所見嘅都唔得見，想聞你所聞嘅都唔得聞。
所以你哋要聽撒種嘅譬喻呀。
但凡聽聞天國嘅道理唔曉，惡鬼嚟到，奪嘵撒落佢心嘅，呢的就係撒落路邊嘅喇。
撒落石地嘅，即係個個聞道，就歡喜接受。
但係心內冇根蔃，不過係暫時呮，及至為道有艱難，或迫害，佢就即時厭棄。
撒落荊棘裏頭嘅，即係聞道之人，因今世嘅掛慮，與及錢財嘅迷惑，逼住個的道，就唔結得實。
撒落肥地嘅，即係聞道就嘵，亦結實起嚟，有百倍，有六十倍，有三十倍。
又設譬喻對眾人話，天國好比人撒好種落佢嘅田。
但係當人瞓著個時，佢仇敵嚟到，撒的稗落穀裏處就去嘵。
及至的秧秀茂，而且結成穀，個陣裨亦現出。
田主嘅僕嚟對佢話，主呀，你唔係撒好種喺你田咩，稗喺邊處嚟嘅呢。
主對佢哋話，呢的係仇敵做嘅，僕人話，你想我哋去薅嘵佢唔呢。
主人話，唔好，慌怕薅個的稗，連埋麥都拔起嚟。
由得佢兩樣一齊長大至到收割，收割個時，我話過收割嘅人知，先揀起的稗，札埋成把嚟燒佢，獨係收麥入我嘅倉。
又設譬喻對佢哋話，天國好比一粒芥菜仁，有人擰嚟撒落佢嘅田。
佢係百樣仁之中至細嘅，及至生長起嚟，大過各樣蔬菜，而且成為樹木，至到空中嘅雀鳥，嚟住倒佢的枝處。
又設譬喻對佢地話，天國好比麵種，有個女人，擰嚟擠落三斗麵中，致令盡哋發起嚟呢。
的咁多，都係耶穌設譬喻講過眾人知，若唔係譬喻，就唔同佢哋講。
噉就應嘵先知所講嘅話，我將要開口設譬喻，我將要講明自創世以來所隱藏嘅。
個陣時，耶穌叫眾人散嘵，入去屋裏，佢門生嚟佢處話，田稗嘅譬喻，請解明我哋聽。
耶穌答佢哋話，撒好種嘅，係人子呀。
田係世界，好種係天國嘅子民，稗係兇惡嘅子民。
仇敵撒稗嘅係魔鬼，收割個時，係世界末日，收割嘅，係天使呀。
所以好似聚集的稗，俾火嚟燒，在世界末日，亦係噉樣。
人子將要打發佢嘅使者，由佢國中，聚集埋所有陷人落罪嘅，與及為惡嘅人。
丟佢落火爐，喺個處必定哀哭，咬住牙齒咯。
個陣時，公義嘅人，喺佢父嘅國處，好似日咁光明，有耳可聽嘅，就要聽嚹。
天國好比寶物藏落田嚟，有人遇著，就隱秘住，好歡喜去賣嘵所有嘅，嚟買個笪田。
天國又好比一個做生意嘅人，搵好珍珠。
遇著一粒珍珠好値錢嘅，就去賣嘵所有嘅嚟買佢。
天國又好比網撒落海，聚集埋各樣水族。
已經滿嘵，就拉上岸，坐倒處，揀起個的好嘅，入落器皿，唔好嘅𢫕嘵。
世界末日，亦必係噉樣，天使出嚟，喺善人之中，分別出惡人。
𢫕佢哋落火爐，喺個處必定哀哭咬住牙齒咯。
耶穌話，你嘵得嘥呢的唔呢，佢哋話，嘵得咯。
耶穌對佢哋話，故此但凡讀書之人，學嘵天國嘅，好比一個家主，喺佢庫房，攞新舊嘅物件出嚟呀。
耶穌講完呢的譬喻，離開個處。
就到自己家鄉，喺佢哋會堂教眾人，眾人就見出奇，話，呢個人，從邊處得呢的智慧，與及才能呢。
呢個唔係木匠嘅仔咩，佢母親唔係叫做馬利亞咩，佢兄弟唔係雅各，約瑟，西門，猶大咩。
而且佢姊妹，唔係都在呢處住咩。佢從邊處得嘥呢的呢。
噉就厭棄佢。但耶穌對佢哋話，做先知嘅人，除嘵佢本鄉本家之外，無不尊敬佢。
耶穌喺個處，唔多行奇能，因為佢哋唔信呀。