馬太福音 19 · 1882《馬太福音傳》（粵語聯合譯本修訂本，香港理工大學數據）

耶穌講完呢的說話個時、就離開加利利、到猶太境地、在約但外、

群眾跟從佢、耶穌喺個處醫好佢哋。

法利賽人嚟到試佢話、人唔論乜野緣故出佢妻、著唔著呢。

耶穌答話、你未曾讀過、始初創造嘅、係造一男一女咩、

又話、因噉樣、又將離開父母、共個妻膠合、兩個成為一體咯、

噉就唔係兩個、係一體呀、所以上帝所配合嘅、人不可分開。

眾人對佢話、然則摩西使乜吩咐人、冩分書出佢呢。

耶穌對佢哋話、摩西因你心殘忍、准你哋出妻、但太初之時、唔係噉樣。

我又話你知、但凡唔係因姦淫緣故、出佢妻、另外娶過別個嘅係行淫呀、娶人哋所出嘅妻、亦係行淫呀。

門生對佢話、倘若人有妻、既係噉樣、寧可唔娶親咯。

耶穌對佢哋話、唔係人人受得呢的說話、惟有稟賦噉樣性情嘅致得。

因為有的閹、係從老母胎生出嚟就噉樣嘅、有的閹、係俾人所閹嘅、有的閹係、因天國緣故、自己閹嘅、但凡有能受嘅、就要受嚹。○

個陣時、有人帶住細伩仔嚟耶穌處、想耶穌按手佢哋嚟祈禱、門生執責佢。

但耶穌話、由得細伩仔嚟我處、唔好禁止佢、因為屬天國嘅、正係噉嘅呀。

就俾手按佢哋、然後離開個處去。○

適値有一個人嚟、對佢話、老師呀、我要行乜野善、致得永生呢。

耶穌話、你因何𢬿善嚟問我呢、善嘅係獨一位呮、倘若你想入永生處、就要守誡命呀。

佢話、邊的誡命呢。耶穌話、唔好殺人、唔好行淫、唔好偷野、唔好妄證、

孝敬你父母、又愛你鄰舍、好似自己、

少年人對佢話、呢各條誡命、我都守住咯、我重少乜野呢。

耶穌話、倘若係想完全、要去賣你所有嘅、𢬿嚟賙濟窮人、就必定有財喺天咯、而且要嚟跟從我。

少年人聽聞個句說話、好閉翳、就去咯、因為佢有好多產業呀。○

個時、耶穌對佢門生話、我實在話你知、財主人入天國、真係難咯。

我又話你知、駱駝穿過針眼、比較財主人入上帝國、更容易呀。

門生聽聞、就見好奇、話、然則乜誰可能得救呢。

耶穌望住佢哋話、呢的在人就不能、在上帝就無所不能呀。○

彼得答佢話、我哋已經舍嘵一切嚟跟從你、將來我哋得乜野呢。

耶穌對佢哋話、我實在話、你知、你哋已經跟從我嘅、喺個世界復興之時、人子坐倒佢榮華嘅位、你哋亦必坐倒十二個位、審判以色列族十二支派咯。

而且但凡因我嘅名、離開屋舍、或兄弟、或姊妹或父、或母、或妻、或仔女、或田地嘅、必定受番百倍、而且得永生。

但係好多先頭嘅將做後尾、後尾嘅、將做先頭呀。