馬太福音 22 · 1883《新約四福音》（AI OCR辨認）

故此你去通行大路，但凡遇着嘅，都請佢嚟埋席囉。」

個的僕人出到路上，聚集埋所有遇着嘅，或善或惡，噉就人客坐滿席上。

君王入去睇個的人客，睇見個處有一人唔着禮服，

就對佢話：「朋友呀，你入嚟呢處做乜唔着禮服呢？」佢冇聲出。

君王對個的使喚嘅話：「將佢綁住手脚，抏出外便黑暗嘅地方，喺個處必定哀哭切齒咯。」

因爲被招嘅係多，得選嘅係少呀。

就使自己嘅門生共埋希律黨嘅人去到佢處，話：「老師呀，我哋知到你係眞實嘅，亦用眞實嚟傳上帝嘅道，唔理人身分點樣，因你唔係用外貌嚟取人呀。

故此，請話我哋知，納稅過該撒（羅馬國君名號），你意思以爲着唔着呢？」

耶穌知到佢哋奸詐，就話：「僞善嘅人呀，因何試我呢？

俾納稅嘅銀錢我睇吓。」佢哋就拈一個銀錢俾過佢。

耶穌對佢哋話：「呢個相頭共國號，係乜誰嘅呢？」

佢哋話：「該撒嘅。」於是耶穌對佢哋話：「械該撒嘅物歸番該撒，以上帝嘅物歸番上帝咯。」

衆人聽聞，見出竒，就離開佢去咗。

「老師呀，摩西有話：『倘若一個人冇仔女，死咗，佢細佬要娶佢嘅妻，生仔承繼大佬。』

我哋之中有七個兄弟，至大嘅娶親，死咗，冇仔，剩落個妻過細佬。

第二、第三，至到第七，都係嘅樣。

收尾，個個婦人亦死。

敢就到復生之時，七個人之中，個婦人做邊個嘅妻呢？」