耶穌出殿去，佢嘅門生嚟到，𢬿殿嘅屋宇指過佢睇。
耶穌對佢哋話：「你唔見所有呢的咩？我實在話你知，喺呢處嘅，將來冇一[石舊]石留番喺石上，唔被毁拆𡃉。」
耶穌坐在橄欖山，門生靜中行埋佢處，話：「請你話我哋知，幾時有呢的事呢？而且你降臨與及世界末日，有乜野兆頭呢？」
耶穌就答佢哋話：「你哋謹愼，咪俾人迷惑呀。
因為將來有好多人假冒我名嚟，話：『我係基督。』就誘惑好多人。
你將來聞打仗與及打仗嘅風聲，總唔使慌，因為呢的事是必有，但係末日未曾到呮。
民將攻打民，國將攻打國；飢荒、地震，到處必有。
呢的都係災難嘅起頭呀。
個陣時，人哋噲陷你落患難，而且噲殺你；你為我嘅名，必受列國人憎惡。
個陣時，好多人厭棄，而且彼此互相解送，互相憎惡。
好多偽先知出嚟，迷惑多人。
因為罪惡貫盈，好多人嘅愛情漸漸冷淡。
惟係忍耐到底嘅，佢必得救。
但天國嘅福音必定傳過普天下，俾過萬民做見證，然後末期致到呀。
故此，你哋睇見先知但以理所講個的殘害可惡嘅物企在聖所處（讀呢的書嘅要明白呀），
個陣時喺猶太省嘅，當要走上山。
喺屋上嘅，唔好落去攞家中物件；
喺田嘅，唔好回頭攞自己衣服。
當個陣時，懷胎與及餵奶嘅婦人有禍咯！
你哋應要祈禱，免致你喺冬天或安息日避難呀。
因為當個陣時必有大難，自從世界之始至到今日，未有噉樣，後來亦冇噉樣嘅。
若係個的日子唔減少，就冇一個得救；單係為個的揀選嘅人，就是必減少日子呀。
個陣時，若係有人對你哋話：『基督喺呢處。』或『喺個處。』你唔好信。
因為將來有的假基督、假先知出嚟，做大異跡奇事，倘若誘惑得揀選嘅人，就誘惑佢咯。
我如今先話你知。
若有人對你話：『基督喺曠野處。』你咪出去；『基督喺密房處。』你唔好信。
因為好似閃電噉，從東便閃到西便，人子降臨亦係噉樣。
屍骸喺個處，麻鷹亦必聚集個處咯。
呢個災難嘅日子之後，熱頭即時變黑暗，月色亦唔發光，星宿從天跌落嚟，天勢都震動。
個陣時，人子嘅兆頭必定喺天現出，地上各支派之人必定要喊，又睇見人子𢬿大權柄、大榮光，乘住天雲落嚟。
就打發佢嘅天使，大聲吹起響角，從四方招集埋佢所選擇嘅人，由呢處天腳底至個處天腳底。
你哋要學無花果樹嘅譬喻。當佢枝軟葉發之時，你就知到將近夏天咯。
噉樣，你哋見所有呢的事，就知到時候係近，嚟到門口咯。
我實在話你知，呢個世代未曾過，呢的事俱要成就。
天地必噲廢壞，但我嘅說話斷唔噲廢壞。
個的日子、個的時候，冇人知到，天上使者，都唔知到，獨係父知到呮」
好似挪亞個的日子，人子降臨，亦係噉樣。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
因為洪水之前嘅日子，佢哋飲食嫁娶，直到挪亞入方舟個日。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
不覺洪水嚟到，盡滅眾人人子降臨，亦係噉樣。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
個陣時，兩個人喺田處，取一個，舍一個。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
兩個婦人推磨，取一個，舍一個。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
故此你哋要儆醒，因為唔知你嘅主幾時嚟呀。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
若係家主知賊幾更嚟，就是必儆醒，唔俾佢挖爛個間屋，呢的係你曉得嘅哩。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
故此你哋亦要預備，因為你估唔到嘅時候，人子就嚟咯。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
邊個係忠心智慧嘅僕，家主立佢督理家人，依時分糧過佢哋嘅呢。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
佢主人嚟到，見佢噉樣做，個僕就有福咯。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
我實在話你知，個主立佢管理所有嘅家業嚹。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
倘若個惡僕心內話，我個主遲吓致嚟。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
就起首打佢個的同事嘅，又共埋醉酒嘅人飲食。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
噉樣，就喺唔覺意嘅日子，唔知到嘅時候，個僕嘅主必定嚟到。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕
就斬開佢兩橜，定佢同偽善嘅人一樣，喺個處，必定哀哭切齒咯。〔備註：此節原書缺，取自1882《馬太福音傳》（粵語聯合譯本修訂本，香港理工大學）〕