馬太福音 25 · 1882《馬太福音傳》（粵語聯合譯本修訂本，香港理工大學數據）

個陣時、天國好比十個童女、拈佢嘅燈、出去迎接新郎。

其中有五個愚蠢嘅、五個智慧嘅。

個的愚蠢嘅、拈佢嘅燈、未曾預備油。

但係個的智慧嘅、拈佢嘅燈、亦預備油在器皿咯。

新郎嚟得遲、大眾都見眼倦瞓嘵。

半夜、有大聲叫話、新郎嚟嚹、你哋出去迎接佢囉。

個陣時、大眾童女都起身、整好佢嘅燈。

愚蠢嘅就對智慧嘅話、𢬿你的油、分過我哋囉、因為我哋嘅燈、將近熄咯。

個的智慧嘅答話、慌怕你共我都唔夠用、不如你自己去到個的賣嘅買罷囉。

佢哋去買個陣時、新郎嚟到、個的預備嘅同埋佢入去婚筵、就閂埋門咯。

後來、其餘的童女嚟到話、主呀、主呀、請開門過我喇。

主答佢話、我實在話你知、我唔識你哋呀。

所以當要儆醒、因為你唔知何日何時呀。○

天國又好似一個人出外、叫自己的僕人嚟、𢬿佢嘅產業、交托過佢哋。

依住各人嘅才幹一個俾五千銀、一個俾二千、一個俾一千、個主人就出外咯。

受五千銀嘅、即時擰去做生意、賺得五千添。

受二千嘅、亦賺得二千添、

但係受一千嘅、去掘開的地、藏埋佢主人嘅銀。

日久之後、個的僕嘅主人番歸、同佢哋計數。

受嘵五千嘅嚟到、又帶五千添、話、主呀、你俾過我個五千、我又賺多五千添。

佢主對佢話、好吖、善良及忠心嘅僕呀、你於少嘅已經忠心、我將來𢬿多嘅交托你、你可以入嚟、共你主同樂咯。

受二千嘅、亦嚟到話、主呀、你俾過我個二千、我又賺多二千添。

佢主對佢話、好吖、善良及忠心嘅僕呀、你於少嘅己經忠心、我將來𢬿多嘅交托你、你可以入嚟、共你主同樂咯。

受一千嘅、嚟到話、主呀、我知你係忍心之人、未撒落個處嘅要收割、未散開個處嘅要收歛、

故此我慌起嚟、去藏埋你個千銀喺地、如今得番你嘅原物咯。

佢主答佢話、惡兼懶嘅僕呀、你知到我未撒落個處嘅要收割、未散開個處嘅要收斂嘅咩。

就應該𢬿我嘅銀、擠落我換嘅銀舖、至到我番嚟個時、收得番我嘅本與及利喇。

故此要奪番佢個千、嚟俾過呢個有十千嘅。

因為但凡有嘅、將要加添過佢、令佢有餘、冇嘅、連佢所有都奪埋。

冇益嘅僕、趕佢出去外便黑暗處、喺個處必定哀哭切齒咯。○

當人子乘住佢榮光、共眾天使落嚟個時、佢坐在榮光嘅位。

萬民喺佢面前聚集、佢必定分開佢哋、好比牧羊嘅人、分別綿羊、離開山羊。

佢必擠綿羊喺右便、山羊喺左便。

個王就對喺右便嘅話、我父所祝福嘅、前嚟承繼個國、即係自開闢世界以來、為你哋預備嘅。

因為我餓、你俾我食、我渴、你俾我飲、我做遠客、你俾我住、

我赤身、你俾我著、我有病、你睇顧我、我喺監、你嚟探我。

個陣時、個的義人必答佢話、主呀、我哋幾時見你餓、俾過你食、或渴、俾過你飲呢。

我哋幾時見你做遠客、俾過你住、或赤身、俾過你著呢。

我哋幾時見你有病、或喺監、嚟探你呢。

個王必定答佢哋話、我實在話你知、你為我呢的一個至細嘅兄弟做過、即係為我做過咯。

佢又對喺左便嘅話、你受咒詛嘅、離開我入永火囉、係為魔鬼與及佢使者預備嘅。

因為我餓、你唔俾我食、我渴、你唔俾我飲。

我做遠客、你唔俾我住、我赤身、你唔俾我著、我有病、與及喺監處、你唔睇顧我。

個陣時、佢哋亦必答佢話、主呀、我哋幾時見你餓、或渴、或做遠客、或赤身、或病或喺監、唔服事你呢。

個王必定答佢哋話、我實在話你知、你未曾為我呢的一個至細嘅做過、即係未曾為我做過咯。

呢的人、必定入去永刑處、惟係義人、入去永生處。