馬可福音 13 · 1882《馬可福音傳》（粵語聯合譯本修訂本，香港理工大學數據）

耶穌出殿之時、有一個門生對佢話、老師、你睇吓噉嘅石、噉嘅殿宇吖。

耶穌對佢話、你見呢間大殿宇哩、將來冇一嚿石、留番第嚿石之上、唔被毁拆𡃉。

耶穌喺橄欖山上、對住殿坐、彼得雅各約翰安得烈、靜靜問佢話。

請你話我哋知、幾時有呢的事呢、而且呢的事一切將應驗時、有乜兆頭呢。

耶穌對佢哋話、你哋謹愼、咪俾人迷惑呀。

將來有好多人假冒我名嚟話、我係基督、就迷惑好多人。

惟係你聽聞打仗、與及打仗嘅風聲、唔使慌、呢的事是必有、但係末日未曾到呮。

民將攻打民、國將攻打國、到處都有地震、飢荒、呢的係災難嘅起首。

你哋要謹慎愼自己、因為人將解你哋過公會、喺會堂裏打你、又為我解你企在大官國王面前、嚟做佢嘅見證。

但係福音、必先傳到萬國。

人哋拉你解官個時、唔使預先掛慮點樣講。到個陣時、但凡賜過你講嘅、你就噉講、因為唔係你自己講、乃係聖神講呀。

兄弟將解兄弟去害死、父親待仔、亦係噉樣、仔女亦起嚟攻擊父母、𢬿佢害死。

你哋為我名、必受眾人憎惡、惟係忍耐到底嘅、佢必得救。○

你哋睇見個的殘害可惡嘅物、企在唔應企嘅地方、讀呢的書嘅、要明白呀、個時喺猶太地嘅、當要走上山、

喺屋上嘅人、唔好落去、亦唔好入屋攞什物出嚟、

喺田嘅人、唔好回頭攞衣服。

當個陣時、懷胎及餵奶嘅女人有禍咯。

你哋應該祈禱、免致喺冬天時避難呀。

因為當個陣時、必有禍患、自從上帝創造萬物、至到如今、未有噉樣、後來亦冇噉樣嘅。

設使主唔減少個的日子、就凡有血氣嘅、冇一個得救咯、單係因佢所揀選嘅民、致減少個的日子。

個時若有人對你哋話、基督喺呢處、或個處。你唔好信。

因為將來有的假基督假先知出嚟、做異蹟奇事、倘若誘惑得揀選嘅民、就誘惑佢咯。

你哋要謹愼呀、我預先講徙過你聽咯。

當個陣時、個的禍患之後、熱頭將變黑暗、月色亦唔發光、

星由天跌落、天上各象都震動。

個時、佢哋就見人子𢬿大權能、大榮光、坐住雲落嚟。

就打發天使聚埋四方所揀選嘅、自從地之極處、至到天之極處。

你哋要學無花果樹嘅譬喻、當佢枝軟發葉個時、就知到將近夏天咯。

噉你哋見有呢的事、就知到人子係近、嚟到門口咯。

我實在話你知、呢個世代未曾過、呢的事俱要成就嘅。

天地必噲廢壞、但我嘅說話、斷唔噲廢壞○

惟係個的日期、個的時候、冇人知到、即使天上使者與及人子、都唔知、獨係父知到呮。

你哋要謹愼儆醒祈禱、因為你唔知個日期幾時到呀。

好比一個人、離開佢家、去遠處遊、𢬿權柄交過佢僕、分開的事、俾各人做、又吩咐看門嘅要儆醒。

故此你哋應該儆醒、因為唔知家主幾時嚟、或係挨晚、或係半夜、或係雞啼、或係天光。

怕佢忽然嚟到、遇著你哋瞓嘵。

我所話過你聽嘅、亦係話過眾人聽、要儆醒呀。