耶穌再入會堂，有個一隻手乾枯嘅人喺處。
眾人[目庄]住耶穌安息日醫佢唔醫，意思係想告訟佢。
耶穌就對枯手嘅人話，起身，企在中間。
又對眾人話，喺安息日行善事，行惡事，救生命，殺生命，邊樣著呢，眾人冇出聲。
耶穌惱怒，周圍望吓眾人，因閉翳佢哋嘅心咁硬呀，就對個人話，伸開你個隻手喇，佢把手一伸，就好番咯。
法利賽人出去，即時共希律個黨人斟酌，點樣嚟殺耶穌。
耶穌同門生，退出去海邊，有群眾喺加利利猶大。
耶路撒冷以土買約但外嘅，嚟跟從佢，又有好多推羅西頓嘅人，聽聞佢所做嘅事，亦嚟親就佢。
耶穌吩咐門生，整定隻小船等佢，免致人多逼佢。
因為醫好人多，故此凡有病嘅，都逼近佢身，想摩吓佢。
個的邪鬼一見，就[口僕]倒佢面前，大聲叫話，你係上帝之子呀。
耶穌嚴禁佢哋，唔好將佢講過人知。
耶穌上山隨自己意嚟叫人，個的人就到佢處。
耶穌又設立十二個人，想佢哋跟隨佢，而且打發佢哋傳道。
亦俾佢哋有趕鬼嘅權。
有個係西門，改佢名做彼得。
又有西彼太嘅仔雅各，雅各嘅兄弟約翰，呢兩個人，亦改佢名做半尼基，繙譯即係雷仔噉解。
又有安得烈腓力巴多羅買馬太多馬亞勒腓之子雅各，又有達太，及銳教嘅西門。
共加略猶大，即係賣耶穌個個。
佢入嘵屋裏，眾人又聚集，噉就佢哋食飯都唔得。
耶穌嘅親屬聽聞，就出嚟，想拉住佢，對人話，佢係顚嘅。
有讀書人，自耶路撒冷落嚟話，佢被別西卜所迷，倚賴鬼王趕鬼呮。
耶穌叫佢哋嚟，設譬喻對佢哋話，撒但點趕得撒但呢。
若係一國自己相分爭，個國不能成立。
若係一家自己相分爭，個家不能成立。
設使撒但共撒但相分爭，亦不能成立，到底必敗壞嘅。
冇人能入勇士嘅屋，搶劫佢家財，必要先綁起勇士，然後致劫得佢屋。
我實在話你哋知，世人所有罪惡，與及褻凟嘅話，都可以赦得。
惟係褻凟聖神嘅，總唔赦得，必永遠有罪。
耶穌因人話佢係邪鬼所迷，故此講呢的說話。
個陣耶穌嘅母親，與及佢兄弟嚟，企在外更，使人入去叫佢。
眾人圍住耶穌坐處，有人對佢話，你母親及兄弟，喺外便搵你。
耶穌答佢哋話，邊個係我母親我兄弟呢。
就周圍望吓同坐嘅人話，請睇我嘅母親，我嘅兄弟吖。
但凡遵依上帝旨意嘅，即係我兄弟，姊妹及母親咯。