馬可福音 5 · 1882《馬可福音傳》（粵語聯合譯本修訂本，香港理工大學）

佢哋過海、到個便岸、加拉沙嘅地方。

耶穌離開個隻船、即時有一個被邪鬼迷嘅人、喺墳墓出嚟遇著佢。

呢個人、喺墳墓裏住、人雖𢬿鎖鍊都唔鎖得住佢。

因為屢次𢬿腳鐐鎖鍊鎖佢、佢扭斷鎖鍊、整爛腳鐐總冇人制服得佢。

日夜常在山上墳裏叫喊、又用石嚟傷自己。

遠遠望見耶穌、就走前拜佢。

大聲叫話、至高上帝子耶穌、我與你何干呢、我托上帝名懇求你、唔好令我受苦。

因為耶穌也曾對佢話、邪鬼呀、喺個人處出嚟喇。

耶穌就問佢話、你叫乜名佢話我名叫軍、因為我哋係多呀。

佢就懇求耶穌、唔好趕佢哋離開個處地方。

喺個處山邊、有一大隊豬食緊野、

眾鬼求佢噉話、打發我哋去個隊豬處、等我哋入佢裏頭罷喇。

耶穌就准佢哋、邪鬼出嘵、入去豬處、成隊豬都跑落山坡、跳入海中(口沈)死、其數大約二千隻。

看豬嘅人、走去話過城裏共鄉下嘅人知、個的人就出嚟、想睇吓呢件事係點樣。

嚟到耶穌處、見先時被成軍嘅鬼所迷之人、坐倒處、著翻衣服、自自在在、佢哋就慌起嚟。

親眼見過嘅、就𢬿鬼迷個人所遇著嘅、及個隊豬嘅事、講過眾人知。

眾人就求耶穌、離開佢嘅境地。

耶穌落船之時、先頭被鬼迷個人、求耶穌准佢同埋去。

但耶穌唔准、就對佢話、你去歸。見你家人、將主為你做咁大嘅事、及憐憫你嘅、講過佢哋聽。

個人就去嘵、在低加波利傳開耶穌為佢做咁大嘅事、眾人見出奇。○

耶穌坐船、再過個便岸、有群眾聚集佢處、佢正在海邊。

有一個管理會堂嘅人、名叫做睚魯、嚟見耶穌(口僕)倒佢腳下、

懇切求話、我小女將近死、請你嚟、𢬿手按吓佢、令佢好番、就是必得生咯。

耶穌就同佢去、好多人跟隨佢、而且擠擁住佢。

有個女人、血漏十二年。

受過好多醫生嘅苦、使嘥佢嘅家財、都唔見好的、而且病症越發重、

聞得耶穌嘅事、就喺佢後便眾人之中、嚟摩吓佢衫。

因為佢話、我單係摩吓佢衫、就必定得好。

噉佢嘅血漏立刻止嘵、覺得身內嘅病好嘥。

耶穌即時覺得有奇能喺自己處出、就在眾人之中、(口佞)轉身話、乜誰摩我件衫呢。

門生對佢話、你見眾人擠擁你、重問乜誰摩我咩。

耶穌周圍望吓、想見做呢件事嘅女人。

個女人知到本身得好嘵、就好慌好震、(口僕)倒佢面前照實講嘥過佢知。

但耶穌對佢話、女呀、你嘅信德救嘵你、可以安樂。去歸喇、你嘅病好嘥咯。○

佢講緊個時、有的人喺管理會堂嘅家中嚟、話、你女死嘵咯、使乜重勞動老師呢。

耶穌一聞佢哋所講、就對管理會堂嘅話、唔使慌、獨係要信呮。

噉就除嘵彼得雅各及雅各兄弟約翰之外、唔准別人跟佢

到嘵管理會堂嘅屋𨀣、見好嘈雜、有人啼哭悲哀得好凄涼。

耶穌已經入去、對佢哋話、為乜咁嘈雜啼哭呢、個女仔唔係死、不過瞓著呮。

眾人就笑佢、耶穌打發佢哋出去、帶住個女仔嘅父母、及跟自己嚟嘅人、入去女仔處。

就揸住女仔嘅手、對佢話、(口大)唎(口大)咕咪、繙譯即係女仔呀、我叫你起身。

個女仔即時起身、而且噲行、因佢係十二歲咯、眾人就了不得咁驚奇。

耶穌嚴禁佢哋、咪俾人知到呢件事、又吩咐俾野過女仔食。