有法利賽人及幾個讀書人，從耶路撒冷嚟嘅，聚埋耶穌處，
見佢幾個門生手唔潔淨，即係未曾洗過手，就食飯。
（因為法利賽人及猶太眾人守古人傳落嘅規矩，若唔子細洗手，就唔食飯。
又喺市上番嚟，若唔洗，亦唔食。重有好多樣佢哋遵守嘅，即係杯碗、銅器及床都要洗。）
噉就法利賽人及讀書人問耶穌話：「你嘅門生做乜唔依古人傳落嘅規矩，手唔潔淨就食飯呢？」
耶穌答佢哋話：「以賽亞預先講及你哋偽善嘅，係著咯，好似聖書有寫：『呢的百姓𢬿口恭敬我，但佢個心離我好遠。
佢哋𢬿人所吩咐嘅作為道理嚟教人噉，佢拜我係徒然呮。』
你哋丟棄上帝嘅誡命，執守古人所傳落嘅。」
耶穌又對佢哋話：「你哋真係丟棄上帝嘅誡命，嚟守自己所傳落嘅咯。
因摩西有話：『要敬你嘅父母。』又話：『若毁謗父母嘅人，必要定死罪。』
惟係你哋噉話，人若對父母講：『我所應當敬奉你嘅物件，做嘵咯[口板]。』即係做祭物。
自後你哋就唔准佢奉養父母。
噉樣，你係守古人傳落嘅規矩，嚟廢嘵上帝嘅道理嚹。你哋所做嘅事，重有好多係噉樣。」
耶穌就叫眾百姓嚟，話：「你哋眾人要聽我講，而且要明白呀。
凡喺外便入嘅，不能污穢人；獨係喺裏便出嘅，致噲污穢人呮。
但凡有耳可聽嘅，就要聽嚹。」
耶穌離開眾人入屋，門生將呢個譬喻問佢。
耶穌就對佢哋話：「你哋都唔明白咩？豈唔知到凡喺外便入嘅，不能污穢人，
因為唔係入佢嘅心，乃係入佢嘅肚，於是遺落廁坑？」佢噉話當作各樣食物係潔淨咯。
又話：「喺人裏頭出嘅，致噲污穢人，
因為從裏頭，即係從人心中所出，有惡念、私通、偷野、殺人、，
姦淫、貪婪、惡毒、詭譎、奢侈、妒忌、褻凟、驕傲、狂妄。
呢的各樣惡事，皆從心裏頭出，整污穢人嘅呀。」
耶穌喺個處起行，去到推羅西頓交界嘅地方，入一間屋，想唔俾人知，但唔[門身]得埋。
適値有一個女人，佢嘅女仔被邪鬼所迷，聞得耶穌嘅事，嚟[口僕]倒佢腳下。
呢個女人係希利尼嘅（希利尼或作異邦），屬敘利非尼基族。佢求耶穌趕逐邪鬼離開佢女。
但耶穌對佢話：「由得仔女先食飽，若𢬿仔女嘅餅𢫕過狗食，唔好呀。」
女人答佢話：「主呀，係咯，但狗在檯下，亦得食仔女跌落嘅咂碎吖。」
耶穌對佢話：「因呢一句說話，你可以番去，個鬼已經離開你女咯。」
女人番到佢屋，𨀣見鬼已經出，佢女瞓在床上。
耶穌又離開推羅境界，經過西頓及低加波利地方，到加利利海邊。
有人帶一個耳聾及黐脷嘅人嚟，求耶穌俾手按吓佢。
耶穌帶佢離開眾人，𢬿手指探入佢對耳，唾口水點吓佢條脷，
望住天歎一聲，對佢話：「以法大。」繙譯即係「開通」噉解。
佢耳就開通，脷結解甩，講得好明白。
耶穌禁戒佢哋，唔好話人知；但越發禁戒，佢哋越發傳開。
眾人了不得咁驚奇，就話：「佢所做嘅事，件件都好；佢使聾嘅噲聽，啞嘅噲講呀。」