馬可福音 8 · 1882《馬可福音傳》（粵語聯合譯本修訂本，香港理工大學）

當個時、又有群眾聚集、都冇野食、耶穌叫佢門生嚟、對佢哋話、

我可憐呢的眾人、因佢同我喺處、已經三日、如今冇得食。

倘若我使佢哋肚餓去歸、喺路上必定疚癐、因為有的係遠處嚟嘅。

門生答佢話、喺呢處曠野、人從邊處得餅嚟、令佢哋食飽呢。

耶穌問佢哋話、你哋有幾多餅呢、佢話、七個呮、

耶穌吩咐眾人、坐落地上、就擰七個餅、祝謝、擘開、俾過門生嚟擺開、佢哋就擺在眾人面前。

又有幾條小魚、耶穌祝謝、叫門生亦擺開。

噉就大眾都食飽、執番餘剩的碎嘅七籃。

個的人、大約有四千。耶穌就散嘵眾人。○

即時共佢門生落船、去到大馬孥大地方。

法利賽人出嚟盤問耶穌、求佢顯出天嚟嘅異蹟、係想試佢呀。

耶穌心中歎息話、呢個世代因何求異蹟呢、我實在話你知、斷唔𢬿異蹟俾過呢個世代嘅。

噉就離開佢哋、再落船過對面岸。○

門生唔記得帶餅、船上獨係有一個餅呮。

耶穌儆戒佢哋話、謹愼提防法利賽人嘅酵種、及希律嘅酵種呀。

門生彼此議論話、係因我哋冇餅啩。

耶穌知到、就對佢哋話、做乜𢬿冇餅嚟議論呢。你哋重唔知到、唔明白咩、你心咁硬咩。

你有眼唔噲睇、有耳唔噲聽、亦唔記得咩。

我擘開五個餅、分過五千人食、你執起個的碎嘅、裝滿幾多籃呢。答話十二籃。

又擘開七個餅、分過四千人食、你執起個的碎嘅、裝滿幾多籃呢、答話七籃。

就對佢哋話、你哋重唔明白咩。○

佢哋到嘵伯賽大、有人帶一個盲眼嘅人嚟、求耶穌摩佢。

耶穌揸住盲眼人嘅手、帶佢出去村外、俾口水唾佢雙眼、又𢬿對手按吓佢、問你見野唔見呢。

盲眼嘅舉頭一望、就話、我睇見人行、好似樹噉樣。

後來𢬿手按吓佢對眼、令佢定眼望吓就好嘥、各樣睇得明白。

耶穌打發佢歸家話、個條村、你都唔好入去咯。○

耶穌共門生去到該撒利亞腓立比各村、喺路上問佢門生話、人哋話我係乜誰呢。

佢哋答話、有的話係施洗禮嘅約翰、有的話係以利亞、有的話係先知中之一。

耶穌又問門生話、但你哋話我係乜誰呢、彼得答佢話、你係基督咯。

耶穌禁戒佢哋、唔好講佢嘅事過人知。

又起首教訓佢哋話、人子必受好多害、被個的長老共眾祭司長、及讀書人丟棄、而且被人殺、過三日就復生。

佢話白呢的說話、彼得就拉埋佢嚟勸諫。

耶穌回頭望住門生、責彼得話、撒但退囉、你唔係體貼上帝嘅情、乃係體貼人嘅情呮。

就叫眾人及門生嚟對佢哋話、人若想跟從我嘅、必要克勝自己、孭住佢十字架嚟跟我。

因為但凡想救自己生命嘅、必定失佢生命、但凡為我及福音失嘵佢生命嘅、必定救番佢生命。

人若得嘥、普天下、而失嘵佢生命、（或曰生命當作靈魂）有乜益呢、

人噲𢬿乜野嚟贖番佢生命呢。

但凡喺呢個姦惡世代當我共我嘅道理係羞恥、到人子乘天父榮光、共埋聖使降臨個時、佢亦必當個個人係羞恥咯。