我又睇見，羔羊企在錫安山，同埋佢嘅有十四萬四千人，都有佢嘅名共佢父嘅名寫在額上。
我聽聞從天有聲音，似衆水嘅聲音共大雷嘅聲音，而且我所聽聞嘅亦似彈琴者所彈嘅琴聲。
佢哋在寶座前，亦在四生物共衆長老前唱新歌，此新歌；除嘵從地上買來嘅個十四萬四千人之外，冇人能學得嘅呢的。
人未曾玷染婦女，佢哋都係童身嘅。羔羊不論去邊處，佢哋都跟隨佢。佢哋係從人間買來嘅，作初熟之果歸於上帝共羔羊。
在佢哋口中查唔出謊言；佢哋係冇瑕疵嘅。
我又睇見另有一位天使飛在空中，有永遠嘅福音要傳過地上嘅居民，卽係傳過各國、各族、各方、各民。
佢大聲話：「應當敬畏上帝，將榮耀歸於佢！因佢施行審判嘅時候已經到嘵。應當崇拜個位創造天地海及衆水泉源嘅。」
又有第二位天使跟住話：「使萬族飲邪淫、大怒之酒嘅巴比倫大城傾跌咯！傾跌咯！」
又有第三位天使跟住佢哋，大聲話：「若有人拜獸共獸像，在額上或在手受過印記，
嘅呢個人必要飲上帝大怒嘅酒；此酒斟落上帝忿怒嘅杯純而不雜。佢必要在聖天使及羔羊面前，受火與硫磺嘅痛苦。
佢受痛苦嘅煙升上，直到永遠。個的拜獸共獸像，受佢名之印記嘅，日夜不得安息。」
聖徒嘅忍耐就係在此；佢哋係守上帝誡命及耶穌眞道嘅。
我聽聞從上有聲音話：「你要寫落：從今以後，在主而死嘅人有福咯！」聖靈話：「係咯，佢哋歇息勞苦，佢哋所作之工亦跟隨佢哋咯。」
我又睇見，有白雲，有一位好似人嘅坐在雲，上頭戴金冠冕，手揸利鐮。
又有一位天使從殿中出來，對個位坐在雲上嘅大聲叫話：「伸出你嘅鐮來收割；因為收割嘅時候已經到咯，地上嘅莊稼已經太熟咯。」
個位坐在雲上嘅，將鐮抆落地，地上嘅莊稼就被收割。
又有一位天使從天上嘅殿中出來，佢亦揸住利鐮。
又有一位天使從祭壇處出來，佢係有權管火嘅，對揸利鐮嘅大聲喓話：「伸出利鐮來，收取地上葡萄樹嘅果，因爲葡萄子已經成熟咯！」
個位天使就將鐮抃落地上，收取地上嘅葡萄，子丟落上帝忿怒嘅大酒醕中。
個酒醕踹在城外，就有血從酒醕流出，到馬勒咁，高有六百里咁遠。