粵讀聖經Can Read Bible

約翰福音 1 · 1883 新約四福音

1883 新約四福音

本章有管理員人工修訂;呢次修改未有另行獨立校對。原有來源及校對記錄仍保留。

文字初校版:本章初校狀態待核實。疑字、缺文及來源重複保留註記,之後會逐步覆核;唔代表已完成最終校訂或全面掃描核對。

1

太初有道,道同埋上帝,道即係上帝。

2

呢個道太初同埋上帝呀。

3

萬物被佢創造;但凡受造嘅,冇一樣唔係由佢所造。

4

生命係在道中,而且個的生命係人嘅光。

5

個光照在黑暗之中,但黑暗唔認識佢。

6

有個人由上帝打發嘅,名叫做約翰。

7

佢嚟做見證,即係為個光做見證,令眾人因佢致信。

8

佢唔係個光,獨係為個光做見證呮。

9

呢個係臨世嘅真光,嚟照萬人嘅呀。

10

佢喺世界處,世界係佢造嘅,但世界唔識佢。

11

佢到屬自己之所,但個的屬自己嘅人唔接佢。

12

但凡接佢嘅,即係信賴佢名嘅,佢就賜權過佢哋做上帝嘅仔女。

13

佢哋唔係由血氣,唔係由情慾,唔係由人意,乃係由上帝生出呀。

14

個道成為肉身,住在我哋之中;我哋見佢榮光,猶如父獨生之子嘅榮光,充滿恩典真理呀。

15

約翰為佢做證,喓話:「我講有個後過我嚟、先過我在嘅,因為佢本來先過我,即係呢個人呀。」

16

而且由佢嘅豐盛,我哋大家受嘵,又恩上加恩呀。

17

因為律法係託摩西所賜,恩典共真理係託耶穌基督。

18

向來總未有人見過上帝,單係在父胸懷嘅獨生子將佢顯明呮。

19

約翰嘅見證係噉樣:猶太人從耶路撒冷打發祭司共利未人問佢之時,話:「你係乜誰?」

20

佢就認,唔隱諱;佢認話:「我唔係個基督。」

21

又問佢話:「噉就點呢?係以利亞咩?」佢話:「我唔係呀。」又問:「你係個先知咩?」佢答話:「唔係。」

22

於是眾人對佢話:「你係乜誰?等我哋好回覆打發我嘅。你自己話係乜誰囉?」

23

佢話:「我即係在曠野喓嘅聲,話:『整直主嘅路!』好似先知以賽亞所講。」

24

受打發嘅係由法利賽人處嚟,

25

又問佢話:「你唔係基督,唔係以利亞,又唔係個先知,因何施洗呢?」

26

約翰答佢哋話:「我用水嚟施洗,但係有一個企倒你哋之中,你唔識嘅呀。

27

佢即係後過我嚟嘅,我共佢解鞋帶都唔稱。」

28

呢的事係在約但外嘅伯大巴喇做嘅,即係約翰施洗個處。

29

明日,約翰見耶穌嚟到佢處,就話:「睇吓,上帝嘅羔羊,孭起世上之罪嘅!

30

呢個即係我先日話有個人後過我嚟、先過我在嘅,因為佢本來先過我呀。

31

我平素唔識佢;我用水嚟施洗,特自令佢顯明過以色列百姓呮。」

32

約翰又證明話:「我見過聖靈好似白鴿噉,從天降落,止倒佢上頭。

33

我平素唔識佢,獨係打發我用水施洗嘅對我話:『你見聖靈降落止倒佢上頭嘅,個個就係用聖靈施洗嘅咯。』

34

噉我見過,就證明佢係上帝之子呀。」

35

又到明日,約翰同埋兩個門生企處。

36

佢睇見耶穌行,就話:「睇吓,上帝嘅羔羊吖!」

37

兩個門生聽聞佢講,就跟從耶穌。

38

耶穌[口佞]轉頭,見佢哋跟從,就對佢哋話:「你求乜野呢?」佢哋答話:「啦吡,你住邊處呢?」(啦吡繙譯即係夫子。)

39

耶穌話:「你哋嚟睇。」佢哋就嚟,見佢住邊處;個日就同埋佢住。個陣大約係申時咯。

40

聽約翰話就跟從耶穌嘅兩個人,一個係西門彼得嘅兄弟安得烈。

41

佢先搵著佢兄弟西門,就對佢話:「我哋已經搵著彌賽亞咯!」(彌賽亞繙譯即係基督。)

42

就帶佢去耶穌處。耶穌睇住佢,話:「你係約翰嘅仔西門,你將來稱為磯法。」(磯法繙譯即係彼得;彼得即磐之謂。)

43

明日,耶穌想去加利利,搵著腓力,就對佢話:「跟從我喇!」

44

腓力係伯賽大嘅人,共安得烈、彼得同城。

45

腓力搵著拿但業,就對佢話:「摩西寫在律法中共各先知所記嘅人,我哋已經搵著佢,即係約瑟之子拿撒勒人耶穌。」

46

拿但業對佢話:「豈有善者噲由拿撒勒處出咩?」腓力話:「嚟睇吓。」

47

耶穌見拿但業嚟到佢處,就論及佢話:「睇吖,真係以色列人呀!在佢冇詭譎嘅。」

48

拿但業對佢話:「你點識我呢?」耶穌答佢話:「腓力未叫你之前,你喺無花果樹下,我已經見你咯。」

49

拿但業答佢話:「夫子,你係上帝之子,你係以色列嘅王呀!」

50

耶穌答佢話:「因我曾對你話喺無花果樹下見你,你就信咩?你必將來見大過呢的嘅。」

51

又對佢話:「我實實話你哋知,你哋將來睇見天開,上帝嘅天使喺人子之上,上去落嚟呀。」

- 底本:1883年《新約四福音》(廣東話),book 133 OCR(canread.bible 版本 fhl-133-yue 同源),經前一輪文字校訂。

- 主要參考本:1883《約翰福音傳》(粵語聯合譯本修訂本,香港理工大學),經 canread.bible 公開 JSON(/api/public-chapter.php)取得。

來源待核實 · Text redistribution rights not assessed; no permission is claimed.

研讀工具