歷代志上 3 · 2026 粵讀聖經

管理員上載／人工修訂；未另行獨立校對。

1 大衞有幾個仔喺希伯崙出世。大仔係暗嫩，佢媽媽係耶斯列人亞希暖；第二個係但以利，佢媽媽係迦密人亞比該。
2 第三個係押沙龍，佢媽媽係瑪迦，基述王達買個女；第四個係亞多尼雅，佢媽媽係哈及。
3 第五個係示法提雅，佢媽媽係亞比他；第六個係以特念，佢媽媽係大衞嘅老婆以格拉。
4 呢六個仔都係喺希伯崙出世嘅。大衞喺嗰度做王七年零六個月，喺耶路撒冷做王三十三年。
5 喺耶路撒冷出世嘅有示米亞、朔罷、拿單同所羅門，呢四個都係亞米利個女拔書亞生嘅。
6 仲有益轄、以利沙瑪、以利法列，
7 挪迦、尼斐、雅非亞，
8 以利沙瑪、以利雅大同以利法列，呢九個。
9 呢啲都係大衞嘅仔，仲未計佢啲妾侍生嘅仔。他瑪係佢哋嘅姊妹。

10 所羅門個仔係羅波安；羅波安個仔係亞比雅，亞比雅個仔係亞撒，亞撒個仔係約沙法。
11 約沙法個仔係約蘭，約蘭個仔係亞哈謝，亞哈謝個仔係約阿施。
12 約阿施個仔係亞瑪謝，亞瑪謝個仔係亞撒利雅，亞撒利雅個仔係約坦。
13 約坦個仔係亞哈斯，亞哈斯個仔係希西家，希西家個仔係瑪拿西。
14 瑪拿西個仔係亞們，亞們個仔係約西亞。
15 約西亞啲仔，大仔係約哈難，第二個係約雅敬，第三個係西底家，第四個係沙龍。
16 約雅敬嘅後人有耶哥尼雅同西底家，兩個都係約雅敬個仔。

17 被囚禁嘅耶哥尼雅有以下後人：佢個仔撒拉鐵，
18 仲有瑪基蘭、毘大雅、示拿薩、耶加米、何沙瑪同尼大比雅。
19 毘大雅啲仔係所羅巴伯同示每。所羅巴伯啲仔係米書蘭同哈拿尼雅；示羅密係佢哋嘅姊妹。
20 所羅巴伯仲有哈舒巴、阿黑、比利家、哈撒底同于沙希悉呢五個仔。
21 哈拿尼雅嘅後人係毘拉提同耶篩亞。另外仲有利法雅嘅後人、亞珥難嘅後人、俄巴底亞嘅後人，同示迦尼嘅後人。
22 示迦尼嘅後人係示瑪雅。示瑪雅啲仔係哈突、以甲、巴利亞、尼利雅同沙法，一共六個。
23 尼利雅啲仔係以利約乃、希西家同亞斯利干，一共三個。
24 以利約乃啲仔係何大雅、以利亞實、毘萊雅、阿谷、約哈難、第萊雅同阿拿尼，一共七個。



授權：CC-BY-NC-SA-4.0