兄弟呀，我唔想你哋唔知，我哋祖宗从前都在云下，都从海中经过，
而且皆在云里、海中受洗归于摩西又同食；
一样嘅灵食，
亦同饮一样嘅灵水。所饮嘅，係出于跟随佢哋嘅灵磐石；个磐石就係基督。
但其中多半係上帝唔欢喜嘅人，所以在旷野灭亡呀。
呢的事係我哋嘅鉴戒，令我哋唔好贪恋恶事好似，佢哋贪恋；
噉亦唔好拜偶像好似，佢哋有人拜嘅。照依圣经所写：「百姓坐处饮食，又起身来玩耍。」
我哋亦唔好行淫好似，佢哋有人行淫，就一日灭亡二万三千人；
亦唔好试探主好似：佢哋有人试探过，就被蛇所灭。
你哋亦唔好发怨言好似，佢哋发怨言，就被剿灭者所灭。
佢哋遇着呢的事可以做鉴戒，而且写落圣经，来警戒我哋末世临到嘅人。
所以，自己以为金得稳嘅，须要谨慎，免致跌倒呀。
你哋所遇着呢试探，无非係人所能受嘅。上帝係信实嘅，必唔令你哋受试探过于所能受嘅；在受试探之时，必为你哋开条出路，等你哋能忍受得住。
我所亲爱嘅呀，你哋要避开拜偶像嘅事。
我对你哋聪明嘅人讲，你哋要审察我嘅说话。
我哋所祝福嘅杯，岂唔係同领基督嘅血咩？我哋所击嘅饼，岂唔係同领基督嘅身体咩？
我哋虽多，仍係一个饼，一个身体，因为我哋都係分受一个饼。
你哋试睇吓依肉体为以色列人嘅，个的食祭物嘅岂唔係在祭坛上有分咩？
噉就我点讲呢岂？係话祭偶像之物算得乜嘢咩？或话偶像算得乜嘢咩？
乃係话，异邦人所献嘅祭係祭鬼，唔係祭上帝。我唔想你哋共鬼相交。
你哋不能饮主嘅杯又饮鬼嘅杯，不能食主嘅筵席又食鬼嘅筵席。
我哋岂可激主嘅愤恨咩？我哋岂係强壮过佢咩？
凡事都可行，但唔係尽地有益。凡事都可行，但唔係尽能建立。
无论何人，唔好求自己嘅益，乃要求他人嘅益。
凡市上所卖嘅，你哋只管食，唔使因为良心问过致食，
因为地共其中所充满嘅都属于主。
若有个唔信主嘅人请你哋赴席，你哋若想去，凡摆在你哋面前嘅，都可以食，唔使为良心问过致食。
若有人对你哋：「话呢的係献过祭嘅物。」就要为个个话你哋知嘅人，亦为良心嘅缘故就唔好食。
我所谓良心唔係你嘅，乃係别人嘅。我嘅自由因何被别人嘅良心议论呢？
我若谢恩来食，为也因我谢恩嘅物被人毁谤呢？
所以，你哋或饮或食，无论做乜嘢，都要为荣耀上帝来做。
唔好令人跌倒或犹太人，或希腊人，或上帝嘅教会；
好似我凡事都令众人欢喜，唔求自己嘅益，乃係求众人嘅益，令佢哋得救。