翻译原则 / TRANSLATION

忠于原文，
写成自然香港粤语。

意思要准确，讲法要清楚，读出嚟亦要听得顺。以下係我哋处理底本、用字、语氣同译注嘅原则。

02 / 翻译原则

意思忠于原文，
读出嚟自然。

意思要准确，讲法要清楚，
读出嚟亦要听得顺。

新约用 THGNT 同 SBLGNT 两个希腊文版本做底本，分开核对成章原文。人物、动作、意象同先后关係都要保留；句子可以按粤语习惯重排，但唔可以增删原意。

新约底本全名

新约现行流程用 THGNT（Tyndale House Greek New Testament）同 SBLGNT（The Greek New Testament: SBL Edition）两个希腊文版本做底本，分开核对成章原文。如果两版有差异，就记低揀咗边个读法，同埋点解咁揀。

旧约以 UXLC 嘅希伯来文同亚兰文为主，再同 MAM 对读。遇到相关异文、难句，或者翻译次经时，先参考 CATSS 七十士译本、已取得嘅死海古卷同西奈抄本，并交代来源同取舍。

旧约底本全名同使用范围

旧约以 UXLC（Unicode/XML Leningrad Codex；Unicode／XML 列宁格勒抄本）嘅希伯来文同亚兰文为主，再同 MAM（Miqra According to the Masorah；按马所拉传统编订嘅希伯来圣经）对读。MAM 係现代编订嘅文本，唔係直接转录一份完整保存落嚟嘅阿勒颇古抄本。

CATSS（Computer Assisted Tools for Septuagint/Scriptural Study）七十士译本（Septuagint／LXX）、已取得嘅死海古卷（Dead Sea Scrolls／DSS）及西奈抄本（Codex Sinaiticus），只喺核对相关异文、处理难句，或者翻译次经时使用。我哋按实际取得嘅版本，同埋保存落嚟嘅部分核对，唔会每章都加用全部见证。如果作品嘅原稿已经失传，就会讲明实际用咗边个古代版本、用边种语言，同埋点解咁揀。

用繁体字写香港人今日常讲嘅粤语，按原意写成完整嘅口语句，唔係将书面中文逐个字换成粤字。要分清「嘅／既」、「喺／係」、「噉／咁」嘅用法；有疑问就查粤语词典，避免用冷僻字，同埋好快就过时嘅潮语。

一句说话係质问、责备、安慰，定係命令，要睇原文同上文下理，唔可以净係睇有冇问号。助词同标点唔可以擅自加重情绪。如果双关嘅两层意思难以兼顾，就记低正文保留咗边一层，同埋点解咁揀；有需要就加译注，唔另外作出原文冇嘅意思。

一个词可能令人觉得亲切，亦可能有睇唔起人嘅意味，或者令人联想到身份地位。揀词时要留意呢啲弦外之音，唔好加上原文冇嘅评价。如果成语带有额外嘅典故或者暗示，就唔可以净係因为顺口而用。

换咗人讲嘢时，要交代清楚；有需要就再讲一次个名或者身份。遇到读者唔熟悉嘅农具等物件，可以简单讲清楚用途，同时保留原来嘅物件同画面。重要神学概念要按上文下理，用稳定嘅译法；有需要就喺正文简短说明，唔好将听明经文所需嘅意思全部放喺译注。

段落按事件、对话同论述嘅转折去安排，标点要配合意思同气口。长句可以拆开，但相关嘅意思要连得返。节号只係方便搵返位置，唔代表读到嗰度一定要停；跨节嘅引语要保持完整，正文唔加表演提示。

人名同地名优先参考《和合本修订版》。长度、重量同容量有换算根据时，一般用公制，近似值会写「约」。如果经文嘅意思或者修辞需要保留原来嘅单位，就保留并加注；货币唔会随意换成今日嘅币值。

近代译本用嚟比较同追查原文根据，唔靠多数票揀译法，亦唔拼贴经文。语气、双关、术语同难句等重要取舍，都要记低点解咁译、保留咗乜，同埋有乜未能兼顾，方便跨章覆核。同一个原词喺唔同语境可以有唔同译法，但要讲得出根据。

我哋希望率先有系统噉将次经译成粤语，直接由原文或现存古代版本起稿。噉样可以俾读者用母语读到唔同教会传统保存落嚟嘅作品，为粤语读经同研究提供更多材料，亦有助传承粤语文化。每部作品都会注明底本，同埋喺唔同教会传统入面点样分类。

神名同称号点样处理？

现行规则用「上帝」对应 θεός；希腊文 κύριος 按语境译成「主」，唔会自动改成「上主」。希伯来文 YHWH 暂时译成「上主」，Shaddai 译成「全能者」。唔同原词嘅分别要保留；「人子」等正式称号，亦唔会逐个字换成日常讲法。