使徒行传 15 · 1872《使徒行传》（粤语联合译本，香港理工大学数据）

有几个人、从犹太嚟、教众兄弟话、倘若唔依摩西嘅例受割礼、就不能得救。

保罗巴拿巴已经共佢地争论得好关係、众人立定主意、打发保罗巴拿巴、共其中几个人、为呢件争端、上耶路撒冷、见使徒共长老。

噉样、个教会送佢地去、经过腓尼基、撒马利亚、传述异邦人归正嘅事、令众兄弟十分欢喜。

到哓耶路撒冷、教会使徒长老迎接佢、佢就𢬿上帝用佢做出嘅事、讲过众人知。

有几个信徒、係法利赛党嘅、企起嚟话、必当吩咐异邦人受割礼、兼守摩西嘅律法。

使徒长老就聚集、同埋议论呢的事。

众人多多辩论、彼得就起身对佢话、列位兄弟呀、你知到上帝至先喺我地之中揀择我、令异邦人由我嘅口、听闻福音嘅道就信。

而且识得人心嘅上帝、为佢地做见证、𢬿圣神赐过异邦人、好似赐过我地一样。

噉就佢地共我地冇分别、係𢬿信德嚟洁净佢心。如今因何试上帝、𢬿列祖共我地唔狈得起嘅轭、挤倒门生嘅颈呢。

但係我地信我众人、必定由主耶稣基督嘅恩致得救、共佢地众人冇分别。

大众唔出声、听巴拿巴保罗讲明上帝用佢在异邦人处、所行嘅异迹奇事。

佢地讲完、雅各就话、列位兄弟、听我讲喻。

西门已经讲明上帝始初照顾异邦人、喺佢地处、取出的百姓、嚟尊崇自己嘅名。

众先知嘅说话、同呢的意思相合。

佢书有话、从此之后、我要番嚟、重新整过大辟跌倒嘅帷幕、而且起番好的烂嘅、共提番高佢。

致令其余的百姓、共但凡奉我名嘅异邦人、都搵主呀、呢的说话、係做事之主所讲嘅。

上帝所做嘅事、自上古以来、都知到嘥。

故此我以为异邦人之归向上帝嘅、唔好搅扰佢。

独係作封书寄过佢话、应该戒偶像嘅污秽、戒奸淫、又唔好食勒死嘅畜牲共血。

因为自古以来、摩西之书、在各城有传福音、即每安息日、喺会堂读嘅係咯。

个阵时、使徒长老共全教会、立定主意、打发其中所揀择嘅人、即係犹大、又叫巴撒巴、及西拉、佢两人、係兄弟之中尊贵嘅、同保罗巴拿巴去安提阿。

𢬿封书托佢噉样话、使徒长老兄弟、请安提阿、叙利亚、基利家嘅异邦各兄弟安。

因为闻得有几个人、从我地处出去、𢬿说话搅扰你、迷惑你嘅心、话必定受割礼、兼守律法、但我地冇噉样吩咐佢。

我地已经聚集、同心定意、打发所揀择嘅人、同我所爱嘅巴拿巴及保罗、去你个处。

呢两个人、为我主耶稣基督名、唔顾生命嘅。

故此打发犹大西拉、佢必亲口讲明呢的事。

因为神共我地定意、唔𢬿更重嘅嘢过你担、独係呢几样紧要嘅呮。

即係戒食祭偶像之物共血、及勒死嘅畜牲及奸淫、你谨慎呢的、就好咯、愿你地平安。

呢几个人、既受打发、就到安提阿聚集众人、交封书俾佢。

众人读过、因得安慰嘅说话、就欢喜。

犹大、西拉、自己都係先知、𢬿好多说话嚟劝兄弟、坚固佢地。

歇好耐、兄弟祝福佢平安、任从佢番去使徒处。

惟係西拉立意喺个处住。

保罗巴拿巴住在安提阿、同好多兄弟、教训传主福音嘅道。

过几日、保罗对巴拿巴话、我地要再去旧时所传主道嘅各城、睇吓兄弟点样。

巴拿巴立意、带约翰名叫马可嘅同埋去。

但保罗以为唔好带佢去、因为佢前时在旁非利亚、离开佢地、唔同埋去做事。

噉就彼此争论、至到两个分开、巴拿巴带马可落船去居比路。

保罗揀择西拉、得兄弟举荐、蒙上帝嘅恩、噉就去咯。

佢经过叙利亚基利家、坚守众教会。