1
个时，门徒加増起来，个的希利尼信徒希利尼人即係谓希腊话之犹太人向希伯来信徒发出怨恨嘅说话，因为在日日供给嘅事忽略哓佢哋嘅寡妇。
2
十二使徒就叫众信徒埋来，对佢哋话：「我哋放下上帝嘅道去管理日用饮食嘅事，係唔合嘅。
3
所以兄弟呀，当从你哋之中揀选七个有好名声、又充满圣灵、及智慧嘅人，我哋就派佢哋管理呢的事。
4
我哋就专务祈祷、及宣道嘅事。」
5
大众都欢喜呢的说话，于是揀选司提反，佢係大有信心、及圣灵充满嘅人，又揀选腓力、伯罗哥、罗尼迦挪、提门、巴米拿，与及入犹太教嘅安提阿人尼哥拉使，
6
佢哋企在使徒面前。使徒先为佢哋祈祷后，又按手在佢哋头上。
7
上帝嘅道越发兴盛；在耶路撒洽信徒嘅数加增好多，亦有好多祭司信从呢的道理。
8
司提反充满恩惠、能力，在民间行大奇事异兆。
9
个时有称利百地拿会堂嘅几个人，与及古利奈、亚力山大、基利家、亚西亚各处会堂嘅人，都起来共日日在殿堂在家中不歇教训宣傅耶稣係基督司提反辩论。
10
司提反讲得有智慧而且灵通，众人不能驳得，
11
佢就买人出来话：「我哋听闻佢讲亵渎摩西共上帝嘅说话。」
12
佢哋又唆耸百姓、长老，共士子，突然来到捉佢，拉到公会处，
13
设假见证：「话呢个人，不歇讲对敌圣所及法律嘅说话。
14
我也曾听过佢，讲话呢个拿撒勒耶稣将要毁拆呢的地方，亦要改变摩西所传过我哋嘅规例。」
15
凡坐在公会嘅人都定眼睇住佢，见佢嘅面貌，好似天使嘅面貌一样。