使徒行传 7 · 1872《使徒行传》（粤语联合译本，香港理工大学数据）

个大祭司长问士提反话、呢的事係噉唔係呢。

士提反话、列位父兄呀、请你听喇、先日我祖亚伯拉罕、居住米所波大米、未曾住在哈兰个时、荣光嘅上帝现出嚟对佢话、

出去你所住之地、离开你亲属、去到我所示你知嘅地方。

佢噉就离哓迦勒底地、住在哈兰、佢父亲死之后、上帝由个处、搬佢到你地如今所住之地。

但係在呢处、上帝冇俾产业过佢、甚至企脚咁阔嘅地方都冇、独係应承俾呢笪地方过佢、共佢子孙做产业、但个时、佢重唔曾有仔呀。

上帝噉样讲话、佢嘅子孙、将来喺外国寄居、个的人逼佢做奴仆、困苦佢至到四百年咁耐。

上帝又话、逼佢地做奴仆嘅、我必定执责个国、后来佢地出嚟呢处服事我。

噉就𢬿割礼之约、嚟赐过佢、于是亚伯拉罕生以撒、第八日共佢行割礼、以撒生雅各、雅各生十二个祖宗。

个的祖宗、妒忌约瑟、卖佢去埃及、但上帝同埋佢、

救佢出各样患难、𢬿恩典智慧、在埃及王法老面前俾过佢、法老封佢为埃及共宗室嘅总管。

但当时埃及全地共迦南有饥荒、有大患难、我地祖宗唔搵得倒口粮。

雅各闻得埃及有谷、起初打发我嘅祖宗去。

第二回、约瑟令兄弟认识自己、个阵时、约瑟囓亲属、俾法老知到。

约瑟就打发兄弟、请佢父亲雅各、及所有亲属共七十五人嚟。

噉就雅各落去埃及、后来共我嘅祖宗、都死在个处。

移去叙剑、葬落坟墓、即係亚伯拉罕、𢬿银由叙剑嘅哈抺子孙所买之地。

及至上帝誓愿、应许亚伯拉罕嘅时候将到、百姓在埃及处发生、而且荗盛。

至到有新王登位、唔识得约瑟嘅、

佢就诡计谋害我族、难为我祖、吩咐丢弃佢嘅细蚊仔、致到唔得生。

个阵时、摩西生出嚟、十分好样、喺父亲嘅屋养哓三个月、

丢弃之后、被法老嘅女执起、当作自己仔嚟养。

摩西得埃及人嘅学问、而且说话做事都有才能。

到四十岁个时、心中起意、去探佢兄弟、即係以色列人。

睇见一个人受冤屈、就保护佢、替个受冤屈嘅报仇、将埃及人打死。

佢估兄弟必醒悟、上帝将要托佢手救佢地、谁不知兄弟总唔醒悟。

第二日、又睇见兄弟争斗、劝佢地和好话、你地係兄弟、为乜彼此相害呢。

个个不义待兄弟嘅、就拒佢话、乜谁立你做我地嘅官长及刑官呢。

你想杀我、好似昨日杀个埃及人噉咩。

摩西因呢的说话就逃避、喺米田地方寄居、在个处生两个仔。

过哓四十年、喺西乃山旷野、有火燄从荆棘中出、主嘅使者现出俾摩西睇。

摩西睇见、惊奇个的异象、就近前睇吓、听闻主嘅声对佢话、

我係你列祖嘅上帝、即係亚伯拉罕嘅上帝、以撒嘅上帝、雅各嘅上帝。摩西打震、唔敢睇。

主又对佢话、解甩你脚嘅鞋、因为你企个处係圣地呀。

我百姓喺埃及受苦、我实在见过、佢嘅嗟叹、我已经听闻、我降临救佢地、如今你嚟、我要打发你去埃及呀。

呢个摩西、即係百姓所拒嘅、话乜谁立你做官长做刑官呢、但上帝托荆棘里头所现出天使嘅手、打发佢做官长、做救主咯。

佢带百姓出嚟行奇事异迹、在埃及地方、在红海、在旷野、共四十年。

呢个摩西、即对以色列人话、主你嘅上帝、将来喺你兄弟之中、生出一个先知似我嘅、你必要听佢话。

呢个摩西、先日同埋天使及我列祖在旷野嘅教会处、天使在西乃山同佢讲、佢受哓生命嘅道理、传授过我地。

我列祖唔肯顺从、就拒绝佢、心里想番去埃及。

对亚伦话、为我地整的神像、嚟先我地行、因为带我地出埃及、个摩西、我地唔知佢係点样。

个阵时、就整成一只牛仔、𢬿祭物嚟祭个像、欢喜自己手所做嘅。

但上帝{口佞}转便、由得佢奉事天上嘅星宿、照依先知嘅书所话、以色列族呀、你地喺旷野四十年、岂係𢬿畜牲祭物献过我咩。

你又抬起摩落嘅帷幕、及你上帝脸番嘅星、即係你地所做、𢬿嚟拜嘅像、所以!我要搬你地去巴比伦外面咯。

先日喺旷野、我列祖有做证嘅帷幕、係上帝吩咐摩西、照依佢所睇见嘅样子嚟做嘅。

呢张帷幕、我列祖共约书亚、抬入去上帝在我列祖之前、所赶逐异邦人嘅地方、我列祖相传呢张帷幕、直到大辟个时、

大辟喺上帝面前得恩宠、想为雅各嘅上帝、得倒一间住所。

后来所罗门为佢起间殿堂。

但至上者唔住人手所做嘅殿、照依先知所讲嘅。

主话、天係我坐位、地係我脚凳、你起乜野屋、𢬿嚟俾我住、边处係我安息嘅地方呢。

呢的万物、岂唔係我手所做嘅咩。

你地咁硬颈、心共耳、都未曾受割礼嘅呀、常时背逆圣神、你祖宗所做、你都係噉样做。

边一个先知、你祖宗唔迫害嘅呢、而且个的预先话有个义人将近嚟、你祖宗就杀佢、呢个义人、如今你已经解送嚟杀咯。

你地接受天使所讲嘅律法、但唔曾守住呀。

众人闻得呢的说话、激得好恼、咬实牙向住佢。

但士提反被圣神充满、定眼望住天、睇见上帝嘅荣光、及耶稣企倒上帝右边。

就话、我见天开哓、人子企倒上帝右边呀。

众人大声喓起嚟、揞埋耳、同心拥佢。

赶佢出城外、𢬿用石头打佢、个的做证嘅人、将佢嘅衣裳、挤在一个少年人、名叫扫罗嘅脚下。

大众𢬿石头嚟打士提反、士提反祷告话、主耶稣呀、求接我嘅灵魂。

就跪倒处大声喓话、主呀、咪𢬿呢的罪归佢地、话完就瞓著、扫罗都欢喜佢死。